استاد حمزه افغان
په دې وروستيو کې د هېواد په يو زيات شمېر رسنيو کې د مختلفو وسايلو له لارې تجارتي اعلانونه خپريږي چې ښځې د سينګار او تجميل د آلاتو اخستلو ته هڅوي،ډير زيات شوي اعلانونه دي، خصوصا هغه د ښځو لپاره خاصې مجلې،چينلونه چي د سينګار او آرايش ننني وسايل او د هغو استعمال پکي ورته ښودل کيږي.
ډيمکرات ريچانډ ډيسنټ (Richard Desmond) چي د پنځو ټي وي ګانو اومجلو د مرکزونو مديريت په غاړه لري او په مختلفو ژبو خپرونې کوي داسى وايي.
” دا هيڅ پروا نه لري چي له هرې لارې سرمايه لاس ته راوړې، مقصد دا دى چې ته يي مالک شې، خو د دې مقصد لپاره تر دې آسانه لاره بله نه وه مګر هغه څه چي د ښځو په لاس کې دي چي هغه ترې راوايستل شي.
زما سره د مجلو او تلويزيون چلولو فکر هغه وخت پيدا شو چې کله مې وليدل چې د ورزش او د ښځو د سينګار مجلې ډيرې خرڅيدلې نو ما هم قصد وکړ چې د يوې مجلې چلولو کار شروع کړم. نو په لمړي قدم کي مې 15پنځلس ښځې داعلاناتو لپاره پيدا کړي، او د مجلې چاپ مو شروع کړو او ډير کامياب کار وه، او دا مجلي اکثره په اسلامي هيوادونو لکه شام، مصر، ترکيه پاکستان،بنګله ديش کي پلورل کيدي.
او د اعلاناتو لپاره مو په لنډ وخت کي نورې 85ښځې پيدا کړي چي په دى جمله کي ديارلس13 مسلمانانى ښځې هم وي. “
ريچانډ ډينسټ وايي :چي څومره کار د ډيمکراسې لپاره دغه ښځې کوي د اعلانونو په شکل کي بل څوک دومره کار نه شى کولې خاص کر په اسلامي هيوادونو کي مثلا: د يوې روپى چاکليټ به وي او د اعلان لپاره به ورته لس لس ښځې ګډا (رقص ) کوي او دا اعلان به بيا زمونږ او تاسې ماشومان هم ګورى نو په ريشتا چي ډيمکراتي ته ډير خدمت ده.
زما پوره کار جوړ او د دوى له لاسه مې ډير څه پرې راوايستل چي اوس د لويې سرمايې خاوند او د پنځو 5 مطبعوعاتي مراکزو مالک يم.
يو ښځه چي (ريچانډ ډيسنټ) سره يي کار کاوه پخپله اعتراف کوى او وايى: غوړام په صراحت ووايم چې دا د اعلان وسايل چي زمونږ د سينګار او آرايش د سامان او استعمال لپاره شپه او ورځ اخته دى او کار کوى، فقط ددې لپاره دي چې مسلمان ملت په فحاشۍ اخته کړي.
اعلانات هم د ښځو لپاره د هڅونې او اعصابو د خوځښت او اثارت يوه لويه لانجه ده چي د ټولنې په افرادو کې احساسات راپاروي.
په آخر کې زما توصيه دا ده چې دوې خبري په نظر کې ټينګې ونيسه.
اول: د دغو غولوونکو او دروغجنو تجارتي مجلو او چينلونو سره پوره مقاطعه وکړئ چې دا مجلې او چينلونه فقط ستا وخت ضايع کوي.
دوهم: د تجارتي ټولو اعلاناتو او وسايلو څخه کاملا ځان وساته چې ټول هغه څه نشر او توزيع کيږي چې د اسلام له نظره حرام دي، دا به ستا د نفس لپاره ښه خوښ او د دين او زړه لپاره ښه سلامتيا وي.
