د الجزیره خبریال وایي چې عراقي ځواکونو نن دوشنبه په موصل ښار کې هیڅ ډول پرمختګ ونکړای شو. په همدې حال کې عراقی پولیسو تینګار وکړ چې دوی داعش یو یرغل د موصل په زوړ ښار کې په شا تمبولی چې پکې د هوایي بریدونو له کبله د موصل لویدیځ ته د الحویجه کرکوک ښار کې د اسلامي دولت ډلې یو شمیر سرتیري یې وژلي دي.
د الجزیرة خبریال، ناصر شدید ویلي دي چې نن عراقی ځواکونو هیڅ ډول پرمختګ نه درلود سره له دې چې د شمال لویدیځ نه د پرمختګ تمه کیده. خو پرمختګ ځکه ونشو چې په سیمه کې د هوا حالات خراب شول. هغه زیاته کړه چې د زوړ ښار ګردچاپیره د بمبارۍ حالات ثبت شوي دي او همد راز په باب الطوب او باب لکش کې هم بمبارۍ شوې دي.
په همدې حال کې د ایتلافی ځواکونو د پولیسو د نهم ټولي قومندان، یادونه کړې ده چې د ده ځواکونو پر داعش باندی د زوړ ښار په جنوب کې متقابل برید کړی، چې پکې درنه وسله استعمال شوې ده او د یرغلګرو ځواکونو ته یې درانه تلفات اړولي دي.
د عراقی پوځ یوه ضابط د الاناضول خبري اژانس ته ویلي دي چې د اسلامي تنظیم ځواکونو نن سهار د کردي ملیشو پر مورچلونو بریدونه وکړل. دغه کردي ځواکونه په مخمور سیمه کې د اوږدو کمربندونو ساتنه پر غاړه لري چې د موصل جنوب ختیځ ته موقعیت لري او دغه جګړه د درنو وسلو د استعمال لامل شوه. هوایي ځواک ته هم پکې اړتیا پیدا شوه او زیاته یې کړه چې یرغل هغه مهال ناکام شو چې د کردي ملیشو یو شمیر عناصر په ډزو ولګیدل.
اژانس همدا راز په محلي پولیسو کې د یوه ظابط په قول ویلي دي چې یو شمیر شبه نظامی ډلو د ګډوډو حالاتو نه په استفادې سره په موصل کې عام او خاص ملکیتونه، چور او تالان کړي دي او زیاته یې کړه چې د دغو ډلو د مخنیوي لپاره تیاری نیول شوی دی او اخطار یې ورکړی دی چې هغه غله چې نظامي یونیفورمونه یې اغوستي او خلکو کې ویره پیدا کوي له مینځه به یووړل شي.
نن سهار د وخته د عراق دفاع وزارت وویل چې د داعش ۱۳ سرتیري د عراقي الوتکو په بمبار کې هغه مهال ووژل شول چې د حاوي الکنیسیه او ۱۷ تموز په کلیو کې یې د هغوی مورچلې په نښه کړې. دا هغه دوه ځایونه دي چې د موصل شمال لویدیځ خواته پراته دي.
د دفاع وزارت د جګړو میډیا اژانس ویلي دي، چې عراقي الوتکو په الوحویجه سیمه کې د اسلامي دولت ډلې پر مورچلو بمبار کړی دی او د هغوی د الحویجه د نومول شوي والی معاون یې وژلی او برسیره پر دې یې په لسګونو نور وسله وال سرتیري هم وژلي دي.
الجزیره نه په مننې
عزیر اسدخیل
