(کابل ټکی کام ۱۳۹۶غوایی ۱۴) الماس خدرخېل
د ايران هېواد د ګلستان ولايت په يوه کان کې چاودنې ۲۱ ژغورونکي چې په کان کې د ایسارو کسانو د راويستلو لپاره ورغلي و وژل شوي دي.
د ایران رسنیو ويلي، پېښه د ياد ولايت د ازاد شهر په يورت کان کې رامنځته شوې ده.
په ورته وخت کې د ایران د کار وزیر وايي، هغه ۳۳ کارګر هم وژل شوي، چې د چاودنې له امله په کان کې ایسار وو.
په سیمه کې یوه ځايي چارواکي رسنيو ته ويلي، په دې پېښه کې ۷۰ کسان ټپي شوي هم دي او ۲۱ قربانیان له کان اېستل شوي دي.
ویل کېږي، کارګرو د ډبو یا ټېلو د کشوونکي جرنېټر د چلانولو هڅه کوله چې سپرغۍ یې د ګاز د لیک کېدلو سبب او چاودنه وشوه.
د چارواکو په وينا په پېښه کې د وژل شويو کسانو د ډيرېدلو امکان شته.
