انجینر زرغون
ځو ورځې مخکې دغور په ولايت کې درخسانې په نامه دمطبوعاتو دمعلوماتو له مخې يوه ۱۹ کلنه نجلۍ په عام محضر کې سنګسار کړل شوه او په ټولنیزو شبکو کی ویډیوګانی نشر ته ورسیدې .
په ويډيو کې ليدل کېږي چې ددغې نجلۍ دواړه لاسونه شاته اړول شوي او تړلي ښکاري که څه هم مخ يې پوره نه ښکاري خو داسې اندازه ګېږي چې عمريې کم دی او دځوانې نجلۍ په څېر ښکاري.
په لاسونو کې هغه ډبرې چې رخسانه پرې ولي ديو شمېر خلکو سره ليدل کېږي، چې په پايله کې رخسانه ووژل شي . دسنګسار ، رجم ، درو او بيا د درو وهلو شمېر او نورو سزاوو ته داسلام په مبارک دين کې لارښوونې شوي دي؛ خو داسلام مبارک دين دامن او رحم دين دی، دهرې سزا او دسزا داجرا وخت زمينه سازۍ ته هم نظر شوی دي که يوه ښځه يا نارينه واده کړي وي نارينه مېرمن ولري، ښځه ميړوخه وي ، نجلۍ پېغله او هلک زلمی وي ددې ټولو سره سره بیا هم دوي نا جایز جنسي اړیکي بل چا سره ونیولې نو دوی باندې دشرایطو سره سم داسلام په مقدس دين کې په عدالت حد اجرا کېږي .
لومړی ديوه هېواد بادشاه مجبور او مکلف دی چې هېواد والو ته دکار او روزګار زمينه برابره کړي دکار کولو لپاره وسايل هېوادوالو ته برابر کړي بيا که چاغلا وکړه محکمه داسلام دقانون له مخې په قضا کې دقاضي دحکم له مخې د غله لاس دغوڅولو امر صادرولی شي، همدارنګه دقصاص ، رجم او حدجاري کولو لپاره اسلام لارښوونې کړي دي .
مطبوعاتو ليکلي چې درخسانې لپاره سنګسار داسلام په قانون کې هېڅ ځای نلري ځکه چې هغه په کوچنيوالي کې پلار بل چاته ورکړې او رخسانې يې دخاوندتوب څخه انکار کاوه چې داسلام په مبارک دين کې رخسانې ته دا حق ورکړل شوی چې دخپل ژوند او راتلونکي انتخاب داسلام داصولو او اساساتو په رڼا کې وکړي
دغور ولايت والي سيما جوينده هم تائيد کړېده چې رخسانه دولايت لرې پرته هغه سېمه کې سنګسار شوېده چې دطالبانو دکنترول لاندې ده .
دراپورونو له مخې اشرف غني غورته يو پلاوی لېږلی چې درخسانې دسنګسار په اړه کره معلومات لاس ته راوي . مطبوعاتو راپور ورکړی چې دطالبانو لخوا سنګسار شوې ده، چې تراوسه پورې طالبانو درخسانې دسنګسار عمل او مسؤليت ندی منلی طالبانو ته يې نشو منسوبولی او په دې هم څه نشو ويلی چې په پټه سنګسار شوې ده ؛ خو دا ويلی شو چې درخسانې سنګسار دچا لخوا سرته ورسيد؟ دا دچا مسؤليت دی چې ددې سنګسار مخه يې بايد نيولې وای ؟ او دا دچا کړنه ده ؟ که طالبان وايي چې مونږ نه ده سنګسار کړې نو ددولت دکنترول څخه وتلې او دبل چا په لاس کې په رڼا ورځ په عام محضر کې دا سنګسار څرنګه وشوه؟
دغور دچارواکو مسؤليت دی چې په مليونونو ډالر په استخباراتو مصرفوي ددې عمل راپوريې څرنګه ترلاسه نکړ؟ سنګسار خو زيات وخت په برکې ونيو ايا دا دغورولايت دچارواکو مسؤليت نه و، چې مخه يې نيولې وه؟ بايد دا روښانه شي چې کړنه دچا او رخسانې له سنګساره دژغورنې مسؤليت دچا دی ؟
لومړی مسؤليت دطالبانو دی چې څرنګه ددوی کنترول کې نور وسلوالو رخسانه اعدام کړي او دوی پرې خبرنه وي او نه اعلاميې څرګندوي .
دويم مسؤليت دهغو قومي مشرانو دی چې رخسانه دکلي ديو ځوان سره له کوره وتلې او بيا يې سنګسار ته راوسته دوی په کوم ضمانت کورته راوستې که سنګسار شوې هم نه وي دکورنۍ مسؤليت ذمه واريې مسؤل دی چې قومي مشرانو کورته راوستې وه .
دريم مسؤليت يې دولايتي چارواکو او امنيتي ارګانونو دی چې څه شپه نه وه په رڼا ورځ رخسانه سنګسار شوې ده په دومره استخباراتو کې درخسانې دسنګسار خبرونه څرنګه ورنکړل شول او بيا چارواکې ولې بې خبره پاتې شول چې په رڼا ورځ په اولس کې په عام محضر کې يوه پېغله سنګسارېږي او ولايت چاواکې دې پرې خبر نه وي له دې بې کفايته ، بې باوره ، بې مسؤليته او بې صلاحيته ولايت څخه خو تراوسه بل ولايت په افغانستان کې نه دی ليدل شوی.
درخسانې په سنګسار کې درې واړه خواوې مسؤلې دي چې بايد دسنګسار عاملین يې پيدا او داسلام دمقدس دین په رڼا کې پرې اقدام وکړي خولومړی مسؤليت يې دطالبانو دی چې دراپورونو په اساس ددولت دکنترول څخه په وتې سېمه کې رخسانه سنګسار شوې ده. طالبان په خپل کنترول سېمه کې داولس دمال، سر او ناموس دساتنې مسؤليت لري.
