ولسمشر اشرف غني سعودي عربستان ته ولاړ
کابل ټکی کام| غوایی۳۰، ۱۳۹۶- ولسمشر اشرف غني نن مازدیګر په یوه کانفرانس کې د ګډون لپاره سعودي عربستان ته ولاړ.
د ارګ له لورې په خپره شوې خبر پاڼه کې ویل شوي چې اشرف غني به د خپل دوه ورځني سفر په جریان کې د اسلامي-عربي هېوادونو او دامریکا د مشرانو په ګډ کانفرنس کې ګډون وکړي.
د ارګ په خبر پاڼه کې راغلي چې ولسمشر اشرف غني به په کانفرانس کې د ګډون تر څنګ، د سعودي عربستان له باچا ملک سلمان بن عبدالعزیز، د دغه هېواد له ولیعهد او د یادې ناستې یو شمېر مشرانو سره هم کتنې او خبرې وکړي.
د اسلامي-عربي هېوادونو په کانفرانس کې به د ۵۰ مسلمانو هېوادونو مشران ګډون وکړي؛ د امریکا ولسمشر ډونالډ ټرمپ هم نن سعودي عربستان ته رسېدلی دی او ویل کیږي چې نوموړی به هم افغانستان او پاکستان د ولسمشرانو په ګډون د تر ۴۰ زیاتو هېوادونو مسلمانو مشرانو ته د نورو موضوعاتو تر څنګ د ”اسلام په اړه“ هم وینا وکړي.
جنرال دوستم ښايي بيا افغانستان ته راستون نه شي
