موسی فرهاد
سوله او د هغې په پايله کې امن او سوکالي راتلل، رښتيا هم ډير بهترين نعمت او زموږ د ولس ارمان دى. مګر زه فکر کوم چې اوس يې له موږ او تاسو نه وخت ورک دى، اول مو د سولې لپاره بايد تر ٢٠٠١ کال مخکې ډېرې چیغې کړې وای، چې ونه شوه او یا نه کېدله، فرصتونه مو له لاسه ورکړل.
نو له ۲۰۰۱م نه وروسته تر نن ورځې پورې چې سره شین سترګي امریکایان پر دې خاوره مسلط وي؛ د سولې نغارې غږول په ځان ریشخند وهل دي. اوس چې د الله تعالی له لورې جهاد، قتال او مسلح جنګ را باندې فرض عین ګرځیدلی او په همدې کار کې الله تعالی راته خیر بللی؛ نو په دې وخت کې زموږ او ستاسو مسلمانو افغانانو لپاره همدا مقدسه جګړه کول یو ښه حل او زرین فرصت دی. د سولې مولې، روغې جوړې او نورو غولوونکو نومونو په پلمه باید له فرض عین جهاد څخه د ځان د ګوښه کولو ناروا هڅې ونکړو.
که موږ او تاسو خدای ته مخ او بندګانو ته شا کړو، خپل ګریوانه ته سر کښته کړو آیا د سولې صورت اوس له دې پرته بل جوړیدای شي چې طالب جان جګړه بس کړي او راشي کابل ته د ارګ له عمر خوړلیو ځوانانو سره اوږه په اوږه د امریکایانو چوپړ پیل کړي؟ او په دې توګه دنیا او آخرت دواړه تباه و برباد کړي.
او یا دا چې ارګ میشتي غنیان ولاړ شي په غرونو کې له طالب جان سره یو ځای په سنګر کې کښیني.
له دې دوو صورتونو پرته، آیا د سولي بل صورت ممکن دی؟ او آیا په دې دواړو کې کوم یو د مسئلې حل را ایستلای شي؟
که طالب راشي ارګ ته تسلیم شي نو اشغال خو بیا هم پر ځای پاتې دی، ټول افغانان به سره غلامان او د الله په عذاب به مبتلا یو. او که غنيان ولاړ شی غره ته وخیژي، نو خو جنګ ختم نه شو .(که څه هم غني خو به مجاهد شي) [فرض الممتنع]
نو باید چې په دې خبره قناعت وکړو چې اوس د سولې فرصت له لاسه وتلی البته د تسلیمۍ دروازې هر وخت پرانیستې دي. چې هغه بیا د رښتیني مسلمان او اصیل افغان لپاره نامطلوبه چاره ده.
د سولې دويم وخت او فرصت به هغه وخت وي چې سره شین سترګې یرغلګر مو له هیواده ووځي، افغانان واقعي حریت او آزادي ترلاسه کړي. له هغه پس که بیا هم افغانان پخپلو کې د قدرت لپاره جنګیږي، سوله او جوړجاړی نه کوي؛ زغم او حوصله ونلري، نو دې ملا ماته شي. ځکه چې هغه مهال بیا جګړه دومره ناروا ده لکه اوس چې جګړه نه کول ناروا دي.
خلاصه دا چې د سولې په وخت کې مو باید سکوت نه وای کړی او اوس بیا د جګړې په وخت کې د سولې او روغې په غولوونکو بهانو مانو د فرار عن الزحف په کبیره ګناه ځانونه اخته نکړو او چې بیا د سولې فرصت مهیا شي باید خاموش ورته پاتې نشو.
پای.
موسی فرهاد
2017 – جون- 5
