(کابل ټکی کام ۱۳۹۶غبرګولی ۱۶) الماس خدرخېل
قطر وايي، غواړي د شپږو عربي هېوادونو سره د ديپلوماتيکي اړيکو د راپيدا کېدلو ستونزه د خبرو اترو له لارې حل کړي.
تېره ورځ شپږو هېوادونو سعودي، مصر، یمن، ليبيا، متحده عربي اماراتو او بحرين اعلان وکړو چې د قطر سره يې ټولې ديپلوماتيکي اړيکې پرې کړې دي.
د قطر د بهرنيو چارو وزير محمد بن عبدالرحمان الثاني الجزيرې ته ويلي، چې له ټولو هېوادونو سره د خبرو اترو او کېناستلو له لارې خپلې ستونزې حل کول غواړي.
هغه ويلي، په هغه لاملونه نه پوهېږي چې ولې ورسره يادو هېوادونو له قطر سره اړيکې پرې کړي دي.
عبدالرحمان وويل،په ریاض کې د اسلامي- عربي- امریکايي سرمشریزه کې په دې تړاو څه نه دي ویل شوي.
په ورته وخت کې اسرائيلو د قطر سره د څو عربي هېوادونو پريکون ته هرکلی ويلي دی.
د اسرائيلو د دفاع وزیر افيګډور ليبرمان، قطر سره د نورو عربي هېوادونو د ديپلوماتيکي اړيکو پرې کيدل اسراييلو سره د تروریزم ضد جګړه کې د يووالي ښه فرصت بللی دی.
په عين حال کې ترکيې له خليجي هېوادونو غوښتي چې راپيدا شوې ستونزې د خبرواترو له لارې حل کړي.
د ترکيې د بهرنيو چارو وزير په راپيدا شوې ستونزه خفګان ښکاره کړی او وايي، چې کولی شي د يادو هېوادونو تر منځ د رامنځته شوې ستونزې د حل کولو لپاره د منځګړي رول ولوبوي.
