لاروی

د نوکیا کمپنۍ چې تر اوسه یې په بېلابېلو شکلونو او ډیزاینونو سره ګرځنده موبایلونه بازار ته راویستلي او تر نورو موبایلونو په مارکېټ کې ښه شهرت لري، اوس غواړي د (نوکیا ۸) په نامه بل موبایل بازارته راوباسي. د کمپنۍ د رئیس په وینا په دې نوکیا ۸ موبایل کې تر نورو جوړو شویو موبایلونو ډیرې اسانتیاوې شته.

د نوکیا کمپنۍ د انجینیرانو د معلوماتو سره سم چې دمخه یې رسنیوته ورکړی دي، ویل کیږي چې نوکیا ۸ به دوه سیم کارتونه استعمالولای شي او هم به وکولای شي چې د نورو موبایلونو په پرتله څلور چنده حافضه کې له ځانه سره ډېر مواد ځای کړي، څو د موبایل ګرځوونکي د اړتیا پر مهال له دې موبایله ډېره ګټه او معلومات لاس ته راوړي.

د نوکیا ۸ موبایل د حافظې اندازه کمپنۍ (۸ ګیګابایټ) ښوولې ده او په نویو وسایلو او اسانتیاوو سره کمره هم لري چې تر نورو کمرو به په ښه معیار سره عکاسی وکړای شي.

د معلوماتو له مخې په لومړي سرکې چې (نوکیا ۸ موبایل) د اروپایي هېوادونو بازار ته راووځي، کمپنۍ به یې په اته سوه ډالر پلوري. خو امکان لري د دې لپاره چې ډېر وپلورل شي شاید کمپنې یې وخت په وخت په نرخ کې کموالی راولي.