آصف الله آصفی
په دې وروستیو کې د طالبانو لخوا په کابل ښار کې د اشرف غني پر اداره له مرګونو او خونړیو ګوزارونو وروسته دغه مزدوره اداره او هم یې ډونره امریکا ګوته په غاښ شوه چې له امله یې ټرمپ د خپلې پروژې منیجر مسټر اشرف غني وګواښلو چې ولې له دومره ملیاردونو ډالره لګښتونو سره سره تر اوسه پلازمینه هم نشي کنټرولولای؟
همدا لامل شو چې اشرف غني په بیړه اعلان وکړ چې د کابل ښار امنیت به په خپل لاس کې اخلي، سملاسي یې امنیتي ټول ارګانونه راغونډ او رسما یې د کابل ښار د امنیت مسؤلیت او واګي په خپل لاس کې ټینګ ونیول.
اشرف غنې په دې ډراماتیک اقدام سره له یوې خوا غواړي چې امریکا ته په خیالي رنجو سترګې ورتورې کړي څو د باد راوړو ډالرو باران بند نشي او له بلې خوا خپلو خلکو ته وښئ چې ګوندې اوس به د کابل امنیت قابو کړي ځکه چې د جامع الکمالات په لاس کې واګي ولویدل!!!، او په دې ډول سره به د خلکو له نیوکو او ګواښونو نه ځان خلاص کړي.
خو اشرف غني غافل له دې چې په دې کار سره ده خپلو ټولو امنیتي قومندانانو ته ذهنیت ورکړ چې ګوندې یو یې هم د دې اهلیت او کفایت نلري چې د کابل ښار امنیت ټینګ کړای شي او دا یواځي اشرف غني دی چې دغه جادو لري چې هم ولسمشر دی، هم سراعلی قومندان او هم د کابل امنیه تازه قومندان شو نو مفکر نور څه ته وایی؟
خو ملت او نړیوال په دې حقیقت پوه دی چې که د امریکا او ورسره د ناټو په لسګونو هیوادونو په خپل ټول زور او تخنیک ونکړای شول چې د کابل ښار امنیت ټینګ کړای شي نو اشرف غني کوم داسې مداري دی چې ګوندی هم له امریکا غښتلی او هم له ناټو او هم له ټولو امنیتي ارګانونو ډیر زور لري حال دا چې په سوال حکومت چلوي.
ملت او نړیوال په دې حقیقت قانع دی چې د طالبانو ځواک د یوه سمندر په څير دی او د اشرف غني تازه او نوی امنیتي پلان د شګو د بند په څیر دی چې د خندا وړ دی ځکه چې د سمندر له یوې چپې سره نیست او نابود کوي، ځکه چې اشرف غني څو ورځې مخکې پخپله اعتراف هم وکړ چې که د امریکا مرسته نه وي نو ۶ میاشتې هم دغه حکومت نشي ساتلی.
آیا تر اوسه به چا اوریدلي یا لیدلي وي چې د شګو د بند په واسطه دې چا د سمندر مخه ډپ کړي وي؟ هیڅکله هم نه.
نو ویلای شو چې اشرف غني څنګه کولای شي چې د شګو د تازه بند په واسطه دې د طالبانو د سمندر مخه ونیسي هغه سمندر چې ټولې غربي نړۍ په خپلو فولادینو بندونو یې مخه ډپ نشوای کړای.
