عرفان الله عرفاني
د خیال صدف کې ملغلرې ساتم
زړه کې د چا خوږې خبرې ساتم
چې راوړي زېري د جانان له کلي
د عشق په بام باندې کوترې ساتم
ورباندې ولم تور زاغان د نفرت
یوه لینده دوه، درې ډبرې ساتم
پر طلایي حنجره کړي ترنم
دې غزل بول ته څو سندرې ساتم
نورې د اوښکو دروازې بندوم
اوښکې له سترګو مرورې ساتم
رقیب د مینې ننګولی یمه
ځکه تېرې، تورې او زغرې ساتم
چې مې خوښیو له چم کډه وکړه
اوس (عرفاني) د غم لښکرې ساتم
۱۳۹۶،۱۹ لمریز
کابل ټکی کام یوه ازاده او خپلواکه وېبپاڼه ده
په کابل ټکی کام کې نشر شوي لیکنې او تبصرې یوازي د لیکوالو نظر څرګندوي، زموږ د ویبپاڼې توافق ورسره شرط نه دی .
-----------------------------------
Kabull.com is an independent news
website in Afghanistan
Commentaries and articles published here, represent the views of their authors solely. They do not reflect the editorial policy of the website
زموږ بريښنالیک ادرس
kabullnews@gmail.com
