له څو ورځو راهسې يو شمېر رسنيو ته په تبليغاتي ورسپارل شوې د نده کې يو لوی سرخوږی پیداشوی دی، چې د يوې ورځې راپوونه يې د بلې ورځې سره سمون نه خوري او ځينې وخت په يوه راپور کې د تېرې ورځې په راپور د درواغو اوتبليغاتو اعتراف وکړي . رسنۍ که چاپي وي ، اوکه غږيزې او يا انځوريزې خپل اصلي د نده او رسالت يې د ولس او دولت ترمنځ د تړون لپاره د يوه پل حيثيت لري او په تمامه معنا به رسنۍ دخپل ولس او ټولنې دنکمرغيو لپاره خپل صلاحيتونه په کار اچوي چې په خپلو ورځينو راپورنو کې يوازې د خپل هېواد او ولس نه ؛ بلکې د ګاونډيانو او د سېمې د هېوادونو په اړه د مثبت نظر نشرات وکړي ، چې د سېمې او ګاونډيو هېوادونو نا امني او بلواکي نيغ په نيغه په مدلل ګاونډي هېواد اثر کوي. دا څو ورځې وشوې چې د افغان ولس د ارمانونو پرخلاف او په افغانستان کې د مقدس جهاد پرخلاف يو شمېر رسنيو چې د بهرنيو هېوادونو لخوا تمويلېږي دا ډڼډوره يې خپره کړې چې ګويا ملا اخترمحمد منصور سخت ژوبل شوی دی او کله بيا تردې وړاندې راپورونه هم خپاره کړي. په جګړه کې پرمختګ او وروسته والی شته ، دا رنګه پکې مرګ او ژوبله هم شته دهوښيارانو متل دی : په جنګ کې ګوړې او شکرې نه وېشل کېږي، په جګړه کې مرګ ، ژبله ، پرمختګ او روسته پاتيوالی دا هرڅه شته خو چې کله يوه موضوع او يا راپور حقيقي بڼه غوره کړي بيا دې پرې رسنۍ خپل راپورونه جوړوي . دا چې يو شمېر رسنۍ د بهرنيو او په ځانګړې توګه د غربي هېوادونو لخوا ورته د تبلیغاتو دنده سپارل شوې ده په يوه راپور کې دې خپله ورسپارل شوي دنده يو هنر سره سرته ورسوي زياتوالی او کموالی پکې راولي اګر که دا عمل هم درسنيو دقانون او پاليسۍ خلاف دی خو ځينې رسنۍ چې دهمدې هدف د ترلاسه کولو لپاره ګمارل شوي دوی مجبورې دي چې د افغان ميړني ولس په خلاف خپلو موخوته ځان ورسوي .
په طالبانو کې مې دا کار ډېر خوښ دی چې ورته اوړيدلې مرګ ژوبله په زغرده مني چې د جګړې اصولو ته وکتل شي د جګړې په اصولو کې د خپلو عسکرو او ملګرو مرګ ژوبله منل نشته خو بيا هم طالبان په حقيقت سترګې نه پټوي. کومه مرګ ژوبله چې يې دولتي ځواکونو ته اړولې او يا د دوی سوله والو ملګرو ته تاوان رسيدلی وي په رسنيو کې په دې اعتراف کوي . تېره ورځ د طالبانو وياند ذبيح الله مجاهد په خپله مرکه کې رسنيو ته وينا وکړه او دا هرڅه يې ترديد کړل. څه وخت د يو شمېر رسنيو ډنډورچيان خاموشه شول خو چې لږ وخت تېر شو بيا د خپلې غلامۍ دثبوت په وړاندې کولو په سرڼي ګوتې کېښودې. د رسنيو حالت دا دی چې تل به په حقيقت بنا وي خو دا چې د څو کالو راپه دېخوا يو شمېر رسنۍ د رسنيز رسالت دپښو په لاندې کولو سره خپله فريضه پرېښي او د تبليغاتو لار يې نېولې دا عمل به نه يوازې مقابل لورې ته تاوان ورسوي ؛ بلکې د درواغو او تبليغاتي دندې په سرته رسولو سره به هومره تاوانونه وګوري چې د سوچ او فکر څخه به يې بهر وي . پکار ده چې يو شمېر رسنۍ خپل رسالت وپيژني او ژورناليزمه تبليغاتي ادارې جوړې نه کړي.
