د مرمرو شیشه
عرفان الله عرفاني
د زړه کلا تــه دروازه جــــوړوي
جانان مې کلي کې حجره جـوړوي
ځم د جانان ســـره مې خټې کوم
د حجرې مخې ته صُفه جــــوړوي
خپل یوسفي حُسن به ګوري پکې
ځان ته مرمرو نه شیشه جـوړوي
د عشق دریاب کې جـزیرې لټوي
د تانـدې مینې سفینه جــــوړوي
ما هم لیکلی دی د مینې غــــزل
نن خامخا د غــزل شپه جــوړوي
پر شهیدانو ارمانونــــــو بانــدې
اخ (عرفاني) نن هدیره جــــوړوي
