(کابل ټکی کام ۱۳۹۷ غویی ۲۹)
که له یوې خوا روژه یو اِلٰهي امر دی خو له بل پلوه اوسنۍ ساینسي نړۍ هم بې ګټو نه ده بللې او د ګڼو ناروغیو د لمنځه وړلو او یا هم مخنیوي لپاره یې اغیزمنه بللې.
د ننۍ نړۍ ساینسپوهان او وتلي طبي کارپوهانو په پراخو څیړنو کې ثابته کړې چې روژه د انسان د بدن لپاره هیڅ بد عواقب نه لري بلکه په لویه کچه ګټې له ځانه سره لري.
دوی زیاتوي؛ انسان کله هم چې روژه ونیسي، د وینې کلوګوز یې له انسیولینو سره ښکته کیږي چې له کبله یې د ځیګر کلایکوجین په تقسیم شروع کوي، دا ځکه چې انرژي ته اړتیا ده، د وازدې نسجونه په ماتیدو پیل کوي ترڅو انرژي تولید ا و د بدن انرژي پوره کړي چی بیا د دې له برکته د انسان په بدن کې د وینې شکره ا و کولسترول کنترولیږي.
ې په همدې لړ کې د شکرې پر۷۰ ناروغانو باندې په لویو نړیوالو طبي مرکزونو کې څیړنې شوې او څیړونکو ثابته کړې چې روژه د شکرې په کنترول او له منځه وړلو کې اغیزناک رول لري.
ګڼ شمېر څیړونکو په ۱۹۹۴ کال کې په مراکش هیواد کې د یوه علمي کنفرانس په ترڅ کې وویل ،چې دروژې په مبارکه مياشت کې دوينې دکلسترولو کچه او همدارنګه په وړو شريانونو باندې د غوړينو څاڅکو رسوب اوناسته کمېږي. چې دا په خپل وار د قلبي او دماغي سکتو اودرېدنو د حملو دکموالې سبب ګرځي او د وينې دفشار له لوړېدا څخه هم مخنېوى کوي.
روغتیا پوهان وایي، چې روژه انسان ته یو فزیولوژیکي استراحت ورکوي. پر ټول بدن باندې مثتبې اغیزې اچوي او په خاصه توګه د معدې او اعصابو لپاره ډېره ګټوره ده.
همداراز روژه د هغو کسانو لپاره چې دائمي سر درد یا نیمه سردرد ولري، د روژې په نیولو سره د هغوی کولسترول کنټرولیږي، چې د امستقیماً د سر درد په کنترول کې مهم رول لري.
روژه د انسان د ودې سست نظام په سمولو ، په بدن کې د شته زهري موادو د له منځه وړلو ،د التهاب په مخنیوی او د ګڼو نورو خطرناکو ناروغیو مخه نیسي.