لیکوال بدر ځلاند
څو ورځې مخکې طالبانو د مرحوم الحاج مولوي جلال الدین حقاني د وفات خبر نشر کړو او د نړی ټولو مسلمانانو پرې د ویر اوښکې تویه کړې او د هغه رحمه الله ملګرو او کورنی ته یې د تسلیت او غمشریکي پیغامونه ولیږل
حقاني رحمه الله د څلورو ځواني مرګو شهیدانو هر یو الحاج نصیرالدین حقاني، حافظ بدرالدین حقاني، محمد حقاني، او د تنکي ځوانیمرګ عمر حقاني پلار او د دو یرغلګرو امپراطوریو ماتونکی شخصیت وو
حقاني رحمه الله د روسي ښکیلاک په مقابله کې په ۵۰۰ تعرضي بریدونو کې شرکت کړی وو او څو ځله په مخامخ جنګونو کې زخمي شوی هم وو
حقاني رحمه الله د شهرت چوکي ځان ښودنې تګی نه بلکه ددې کارونو کلک مخالف وو
ما چې دده څومره ویډیو خبرې اوریدلي دده رحمه الله په رښتوني حقانیت او اخلاص ترې د لمر په شان معلومیږي
همدا دده اخلاص او ریښتونې تقوا وه چې د نړی ټولو کفارو د خپلو لسګونو زره غلامانو او تالی څټو مزدورانو په ملاتړ دده رحمه الله د ورکیدو او بدنامولو انتهایي کوششونه وکړل خو ده ته چې الله جل جلاله کوم عزت لیکلی وو نه تنها دا چې دوی یې یې هغه عزت کم نکړو بلکې د ټولې نړی دمسلمانانو په زړونو کې یې محبت څو چنده نور هم زیات شو
که د حقاني صیب رحمه الله په ستاینه لیکل شروع کړم نو په کتابونو کې به هم ځای نشي خو راځم دې خبرې ته چې د حقاني صیب رحمه الله پر مرګ څوک خفه او څوک خوشحال شول؟
د حقاني صیب رحمه الله په وفات د ټولې اسلامي نړي عربو او عجمو اوښکې تویې کړې او د هغه رحمه الله په غم کې یې مرثیې ولیکلې
د نړی جیدو او حقاني علماؤ د هغه رحمه الله په وفات د هغه کورنی او ملګرو ته تعزیتونه ولیږل
د اسلامي هیوادونو ټولو جهادي تنظیمونو د هغه رحمه الله په وفات خواشیني ښکاره کړله
خو هغه کسان چې ځانونه افغانان معرفي کوي خو د شرق او غرب تابیعیتونه یې په حبیبونو کې پراته دي او له افغانیت څخه یوځل منکر شوي دي او یا اوس هم په اروپا کې د هوټلونو د چپړاسي توب افتخار لري هغوی اوس د دې په خاطر چې حقاني رحمه الله د دوی د بادارانو قاتل وو
اوس د خپلو بادارانو د زړونو د تسکین په خاطر په مرحوم حقاني صیب رحمه الله پسې هغه څه لیکي چې د یو انسان سالم عقل یې محال بولي
سپوږمۍ ته د سپیو غپیدل د سپوږمۍ په رڼا او مرتبه کې هیڅ نقصان نشي راوستلی صرف د سپیو په بی عقلی ساده توب او دخلکو د خندا وړ ګرزیدلو ته زمینه برابرولی شي
دا هغه بې شعوره کسان دي چې له پیدایښت څخه نیولې آن تر مرګه یې د غلامي او چاپلوسي په غذا ځانونه ماړه ساتلي دي
دوی کوم تعلیم او زده کړه نه ده ترسره کړې او نه د بل له بوټ پاکي څخه د ادب او تعلیم زده کړو ته اوزګار شوي دي بلکه وخت یې ټول د ”خان صیب ښه وایي“ په زمزمو تیر کړی ځکه خو اوس دومره له شرم او غیرت خلاص دي چې د امریکا په طیارو کې راغلي او د امریکایانو په خدمت کې د خادمانو په شان ستړي او ستومانه لالهانده وي خو بیا په بل د غلامي تهمتونه لګوي
خپله تر دو غوږو په غلامي کې غرق وي خو خپلې غلامي ته د اړیکو نسبت کوي چې زه خو غلام نه بلکه نیږدې اړیکې ورسره لرم او په دې افتخار هم کوي
خو دوی ځکه د حقاني رحمه الله په شخصیت تهمتونه لګوي چې هغه رحمه الله دوی ته د هر قسم غلامي او غیر اسلامي کړنو ترسره کولو په خاطر د ادب پیچکاري لګولي دي او دوی ته یې هر وخت د مسلمانانو پر خلاف د کفارو له ملګرتیا او غلامي د منعه کولو په خاطر سخت درسونه ورکړي دي طبعي ده چې ماشومان هر وخت ډاکټر ته د یو وحشي او بی رحمه دښمن په سترګه ګوري کرکه ترې کوي حال داچې ډاکټر ددوی د صحت او روغتیا په خاطر دوی ته پیچکاري ورکړې وي
خو د ماشومانو بی عقلي او ساده توب دا درک نشي کولای
