د بغلان د پوهنتون څخه ۵۰۰ محصلین فارغ شوي دي

کابل ټکی کام فرید احمد
تېره ورځ د بغلان ولایت د پوهنتون په یوه لویه غونډه کې چې فارغینو ته یې د فراغت سندونه ورکول اعلان شوه چې سږ کال ۵۰۰ محصلین فارغ شوي دي.
په فارغینو کې نجونې او هلکان دواړه شامل دي.
د بغلان ولایت د پوهنتون رئیس وعده وکړه چې له دولت سره به د فارغ شویو ځوانانو په آئنده باندې خبرې وکړي او ورڅخه به وغواړي چې د کار زمینه ورته مساعده کړي.
پدې غونډه کې محصلینو په دولت انتقادونه وکړل چې په کړیو وعدو کې پاته راغلي دي او نشي کولای چې د کار زمینه برابره کړي.
یو محصل چې په همدې فارغینو کې وو او نوم له ښودلو څخه یې ډډه وکړه وویل چې که د کار زمینه ورته مساعده نشي نو کیدای شي په داسې څه لاس پوري کړي چې مخکې یې فکر هم ندی پرې کړی، هغه زیاتوي چې کور او خپله خیټه خواړه ځيني غواړي او د خوارک کول زمونږ اولیه حق دی نو که چیرې په هر قیمت وي ترلاسه به یې کړي.
دغه فارغینو همداشان وویل چې که دوی ته د لا لوړې ډګرۍ زمینه ورته برابره شي نو په پوره صداقت سره به هغه زمینه هم له لاسه ورنکړي.
د یادونې وړ ده چې د بغلان پوهنتون اووه پوهنځي لري چې په زرګونه محصلین پکې زده کړې کوي.