څارنوال حشمت عبید—
زړورو متدینو مسلمانانو!
هیڅکله خپل ویاړلی او له غروره ډک لروغونی تاریخ هیر نه کړئ
هغه تاریخ مو یاد لرئ چې کله مو اسلامي خلافت پر ګرده نړۍ حکومت کاوه هغه مهال د هیوادونو تر مینځ پولو او حدودو وجود نه درلود.
زمونږ ستر خلیفه عمر رضي الله عنه پر 22 هیوادونو حکومت کاوه.
د ولید رضي الله عنه لښکرو د چین د دیوال له ختیځه تر جنوبه آن د فرانسې تر لویدیځه د ټولو سیمو واک په لاس کې درلود.
هارون الرشید رحمه الله د آسیا له څلورو برخو پر درې برخو حکومتولي کوله. معتصم رحمه الله وروسته له هغې چې عموریه یې ونړوله آن د بلغاریا پولې تر خپل اغیز لاندې راوستې.
صلاح الدین ایوبي رحمه الله صلیبیان تالا ترغه کړل او قدس شریف یې له منګولو آزاد کړ.
قطز رحمه الله د مغولو حاکمیت ته د پای ټکی کیښود او نړۍ یې د هغوی له شره وژغوله.
عثمانیانو د نړۍ له نقشې نه د بزنطي صلیبیانو امپراتوري محوه کړه او پر نیمه اروپا یې حکومت وچلاوه.
دغه مسلمانانو کولای شول له قرطبې تر بغداده، تر هنده او آن تر چین پورې په آزادانه توګه سفر وکړی او له ټولو پولو بې تشویشه بې ویرې او بې د چا له پوښتنې تیر شي او تګ راتګ وکړي.
همدا راز له مغرب نه تر مکې پورې ترې هیچا د پاسپورت پوښتنه نشوای کولای.
زمونږ تیر تاریخ له ویاړونو ډک دی.
