کابل ټکی کام ( یک شنبه، ۱۵ غوايي ، ۱۳۹۸ل)
اسراییلي پولیس وايي چې له غزې څخه راتوغول شوي توغندي په دوی لګېدلي او دوه تنه سرتېري یې وژلي.
اسراییلي پولیسو ادعا کړې چې د فلسطیني وسله والو له خوا پر یاد هېواد د راکټي بریدونو په پایله کې دوه اسراییلي سرتېري وژل شوي دي.
د اسراییلي چارواکو په خبره، فلسطیني وسله والو شاوخوا ۴۰۰ توغندي پر اسراییل توغولي دي. له هغه وروسته اسراییلو په فلسطین کې پر بیلابیلو اهدافو بریدونه کړي دي او ګڼو فلسطینیانو ته یې مرګ ژوبله اړولې ده.
اسرائیل او فلسطیني وسلوال وخت ناوخت یو بر بل بریدونه کوي، چې ددوی ترڅنګ ډېری وخت ملکي وګړي هم پکې وژل کېږي، په دې وروستیو کې ددوی ترمینځ تاوتریخوالی بېحده زیات شوی دی.
