کابل ټکی کام ۱۸وږی/۱۳۹۴
راپور : انصار
د پاکستان حکومت څه موده وړاندې په کابل کې د خپل سفارت د ډیپلوماتانو د امنیت په اړه اندېښنه ښودلې وه چې د همدې اندېښني په اړه د پاکستان د صدراعظم سلاکار سرتاج عزیز تېره اونۍ په کابل کې د افغان لوړ رتبه چارواکو سره په خبرو کې خپله اندېښنه څرګنده کړه.
د کابل نه اسلام اباد ته په ستنیدو سرتاج عزیز ویلی چې د افغانستان چارواکو ورته د پاکستان سفارت د ډپیلوماتانو امینت د پخوا په اړه ډاډ ورکړی دی.
سرتاج عزیز چې د کابل په سفر کې د ریکا غونډې د ګډون لپاره راغلي وو، ورته څرګنده شوه چې د تېر په نسبت په کابل کې د پاکستان د سفارت د ډیپلوماتانو امنیت ټینګ شوی دی.
دوه اونۍ مخکې د پاکستان د بهرینو چارو وزارت اندېښنه ښودلی وه چې سفارتکار د امنیتي ستونزو له امله په سفارت کې ژوند تېروي او د ډول ډول ګواښونو له امله له سفارتهه بیرون نشي تلای .
