کابل ټکی کام(یکشنبه، ۲چنګاش، ۱۳۹۸)
د ارزګان په ولایتي روغتون کې مریضان د مرګ په بستر پراته دي خو په روغتون کې درمل او ډاکټر نه پیدا کیږي.
یو شمیر پایوازانو او ناروغانو ازادي رادیو ته ویلي چې په ولایتي روغتون کې د مریضانو لپاره خدمات برابر نه دي.
دوی وایي چې په روغتون کې ډاکټر نه پیدا کیږي چې د خپل مریض د فشار کتلو لپاره یې راولي.
د بسم الله جان په نوم یو کس وایي چې ناروغانو ته درمل ټول په خپلو پیسو د ښار له دواخانو راوړي او په روغتون کې درمل نه پیدا کیږي.
پایوازان وایي چې موږ هم په روغتون کې له خپلو مریضانو سره ناروغان شو ځکه چې په روغتون کې د ناستې ځای نشته او ټوله ورځ سره لمر ته تیروو.
دوی وایي چې د اوداسه اوبه هم نه پیدا کیږي او د لمانځه لپاره تیمم وهي.
دا روغتون په یوه لوړه غونډۍ جوړ شوی چې کمزوري موټر ورختلای هم نشي.
د روغتون چارواکي د پایوازانو د ناستې د ځای نشتون مني خو د درملو او ډاکټرانو نیستي ردوي
