زمونږ هويت
اسلاميت او افغانيت
کابل ټکی کام ۱۹وږی/۱۳۹۴
لیکنه: محمد الیاس فاتح
په مستعمره اسلامي هېوادنوکې نړيوال سيکولرستي اوکفري سازمانونه په ځانګړي ډول امریکه او متحدين يې د خپلو ښکېلاکي موخو په بنياد داسې اهداف پر مخ بيايي چې د اسلامي هېوادونو خلک له خپل دين او قوميت سره نا اشنا اوبېګانه کړي، او له ژوند سره يې د اسلام او وطن ټولې اړيکې پرېکړې.
د خپل کرغېړن هدف لپاره يې چې په کومو هېوادونوکې د تبعيت پاڼو په محتوی کې يوازې د دين او ملت په کلمو ستونزې او بحرانونه رامنځته کړي يو هم افغانستان دی.
د افغانستان د ټولو قومونو مشترک هويت، اسلاميت او افغانيت دی او هر بچی يې پرې وياړي.
تقريبا څلور لسيزې زمونږ خارجي دښمنانو، روس، امريکا، انګرېز، هند، پاکستان، ايران، ترکمنستان، ازبکستان … پرلپسې هڅې کړي او کوي يې چې د افغانانو ملي هويت (اسلاميت – افغانيت ) ختم کړي ،ځکه چې زمونږ مادي او معنوي شتمني، زمونږ وياړونه او ارزښتونه … په همدې کې نغښتي دي….
خو غيورو افغانانو د خپل ملي او اسلامي هويت د بقا لپاره ورسره درنه جګړه ترسره کړه او د خپلو وينو په قېمت يې ورڅخه دفاع وکړه.
او د پرديو د واک، تمدن او غلامۍ ټېکه دارانو کرغېړنې څېرې يې رسوا او د افغاني تاريخ غداران يې وبلل.
له پېژندپاڼو د اسلاميت او افغانيت ويستلوڅخه د دښمن موخې:
۱): دښمن خپل هدف ته چې افغانستان تجزيه او قومونه يې وويشي، د ځان رسولو اسانه لار همدا بولي، چې د افغانستان د پېژندپاڼو نه د اسلام او افغان خانې وباسي.
۲): افغان ولس د هر يرغل پر وړاندې د (افغان) په نوم را پورته شوی، مقاومت يې کړی او دښمن يې په ګونډو کړی چې د دغه ولس د بريا راز په دوه ټکو کې دی چې يو يې اسلاميت او بل يې افغانيت دی نو ځکه دا وياړمن هويت ور څخه اخيستل دښمن د خپلې بايللې جګړې بری بولي.
۳): په افغانستان کې چې کوم خلک له اسلام څخه مسيحيت يا بل دين ته اوړي، په راتلونکي کې يې پېژندپاڼو کې ستونزه جوړېږي؛ نو ځکه دغه خانه له تذکرې څخه ورته لرې کول اړين دي.
۴): افغان ولس يو بدن دی، اسلاميت او افغانيت يې روح دی، ترڅو چې دا روح ترې ونه ويستل شي کفري نړۍ خپل ځان ته ورڅخه تلپاتې خطرونه محسوسوي.
۵): د اوسني پیر په اصطلاح کې، افغان هغه چاته ويل کیږي چې ننګيالی، ميړنی، تورزن، مېلمه پال… وي چې په همدې ښيګڼو يې اسلام هم ګېڼه کوي، خو کفر يې د زغم وړ نه بولي.
۶): افغان کلمه د افغانستان د ټولو خلکو ملي نوم دی چې د اسيا د زړه حيثيت يې خپل کړی، نو ځکه دښمن غواړي چې د تل لپاره يې بې نومه او بې حيثيته کړي.
۷): افغانيت او اسلاميت د افغاني ټولنې ملي وحدت، ځمکني بشپړتيا ملي خپلواکۍ، ملي هويت او د دې غيور ملت کلک سنګر دی، د ماتې خوړلي دښمنانو اولادې يې د دې سنګر نړولو پرته د خپل ځان حاکميت ناشونی ګڼي.
۸): دښمن غواړي افغان او اسلام کلمې نن له تذکرو، سبا د ملي لوټونو وباسي او بله ورځ به هېواد په سمتونو تقسيم کړي چې د تل لپاره به يې هر فرد بې دينه او غلام پاتې شي.
۹): نړيوال يرغلګر غواړي له قهرمانانو افغانانو هغه هويت (اسلاميت – افغانيت ) واخلي چې د هغه د غرور له برکته يې پرنګيانو، شورويانو، انګريزانو او امريکايانو، بلکې د ګردې نړۍ د ښکرورو غرور يې ورمات کړی.
۱۰): په داسې حال کې چې په يرغلګرو او مزدورانو يې د طالبانو حملو او فتحو سخت زور اخيستی او وخت په وخت د ولسواليو او ولايتي کليدي او مهمو سيمو خبرونه خپرېږي، ښکيلاکګر اوس هڅه کوي چې پر خپلې ماتې پرده واچوي او د افغانانو او نړيوالو پام بل لورته واړوي او له دې لارې له افغان مجاهد ولس څخه انتقام واخلي.
۱۱): دښمنان غواړي چې، افغانانو د کوم مشترک نوم او هويت لپاره قرباني ورکړې او هغو مشترکو افتخاراتو باندې چې پنځه زره کلن تاريخ يې پرې رنګين دی له خاورو سره خاورې کړي.
په پای کې دښمنانو او دوه سري معاملګر رژيم ته وايم:
تاسو چې د خپلو پليتو هدفونو لپاره په افغان ولس کوم ډول کرغېړنې اوشيطاني کړنې ترسره کړې، خو دا ولس بايد وپيژنی او دا هم ومنی چې ستاسو پر وړاندې د طالب روانه جګړه د همدغه ولس د مقاومت نوم دی او د ستاسو وروستی ناولې دسيسه چې د افغان ولس د پاشلو بدمرغه هڅه ده، افغان مجاهد ولس به د سر او مال په قېمت ور څخه دفاع کوي او خپل اسلاميت او افغانيت به د تل لپاره ژوندی ساتي.انشاءالله
