(کابل ټکی کام، ۱۳۹۸ لړم ۴، یکشنبه)
د راپورونو له مخې، بغلان ولايت په مرکزي بغلان ولسوالۍ کې ۳۵ عسکر طالبانو سره یوځای شوي دي.
طالب وياند ذبیح الله مجاهد په خپله رسمي ټويټرپاڼه لیکي، دغه عسکر د مرکزي بغلان ولسوالۍ په مربوطاتو کې له خپلو دندو لاس پر سر او طالبانو ته ورغلي دي.
مجاهد د تسليم شويو عسکرو شهرت او هغه پاڼې خپرې کړي چې د طالبانو له خوا تسلميدونکو عسکرو ته ورکول کيږي زياتوي “. د ارشاد او دعوت مسئولینو یې هرکلی وکړ، د ارام ژوند ډاډ یې ورکړ او خپل ژوند ته یې سوق کړل”.https://twitter.com/Zabehulah_M33/status/1188319274932359168
طالبانو د تسلميدونکو عسکرو، حکومتي منسوبينو او چارواکو لپاره د دعوت او ارشاد په نوم ځانګړی کمېسیون جوړ کړی چې هغوی هڅوي څو خپلې دندې خوشې وسلې پر ځمکه کښېږدي او خپل عادي ژوند ته ور وګرځي.
د طالبانو د یاد کمېسیون په هڅو تر دې مخکې هم سلګونه پوليس، عسکر، اربکيان او ملي اردو عسکر تسليم شوي چې د طالبانو له خوا ورته امن کارتونه ورکړل شوي دي.
