(کابل ټکی کام، ۱۳۹۸ ليندۍ ۳، يکشنبه)
د چک جمهوریت چارواکو خبر ورکړی چې په راتلونکو څو مياشتو کې به خپل ټول ځواکونه له افغانستان څخه اوباسي.
د چک دفاع وزير لوبوميرمتنار ويلي، چې د راروان ۲۰۲۰م کال تر مارچ مياشت پورې خپل ځواکونه د بګرام له هوايي اډې بيرته خپل هيواد ته ستانه کړي.
نوموړي دغه څرګندونې د چک راډيو سره په مرکه کې کړي په خبره يې دا مهال يې د نږدې دوه سوه په شاوخوا کې سرتيري د قاطع ملاتړ په چوکاټ کې دولتي ځواکونو ته روزنه او مشورې ورکوي.
له له هغه وخته چې د چک جمهوريت ځواکونه افغانستان ته راغلي دلته ورته په بمي چاودنو، سرتيرو او وسله والو بریدونو کې يې سلګونه چکي پوځيانو ته مرګ ژوبله اوښتې ده.
د تير ۲۰۱۸م کال په نومبر مياشت کې په هرات ولايت کې دوه تنه چکي پوځيان د طالبانو د یوه نفوذي بريدګر په ډزو ووژل شول چې ورسره سم د دغه هیواد د بهرنيو چارو پخواني وزير لابومير او خلکو له حکومت غوښتنه وکړه چې په تدريجي ډول له افغانستان څخه خپل ځواکونه اوباسي.
د هغه هيواد خلکو غوښتنه کړې چې افغانستان کې يې د پوځيانو ژوند له خطر سره مخ دی او هلته پاتې کيدل ورته په لوړه بيه پريوځي.
