د سولې زارۍ

مولوي بسم الله حيدري جان

بيابه دسولې راته ماتې کړې ګونډې
چه ځې ځې ځې ابازو له به راځې

دا خراسان خو ستاسو مقتل دى
دخداى دغشو دلته شته دي ذخيرې

ځان زورور ډير درته ليده شه
په ټول جهان به دې ميچنې چليدې

افغانستان خو تاته په هيڅ وو
تاويل يوه مړۍ به کړم داپرګنې

خپور زما راج وو درسته اسياکې
سترګې دې زماپه تيرتاريخ نه لږيدې

نور دافغان زورغرور تسليم کړه
شوې ورته خم دوخت غړۍ کږې وږې

حيدري جان خو غربيه پوه وې
اوس کله يو اوکله بل ته کړه جرګې

نوټ. داشعر په يو ځانګړي طرز جوړ شوى دى