لکسمبرګ د نړۍ لومړنۍ هیواد ده چې د خپلو هیوادوالو د اسانتیا په موخه راتلونکی کال (۲۰۲۰) جنورۍ لومړنۍ نیټې نه د بس او اورګاډي سفر وړیا کوي، دا وړیا سفر به د اوس لپاره ددې هیواد په څو ښارونو کې په امتحاني ډول وي.
لګسمبرګ حکومت وايي، “د ۲۰۲۰ کال په لومړیو ۶۱ ورځو کې دا ترانسپورت په دغو ښارونو کې وړیا وي خو بیا د مارچ له لومړۍ نیټې نه په ټول هیواد کې وړیا سفر کولائ شې” چې دا به د نړۍ لومړۍ هیواد وي چې خپلو هیوادوالو ته وړیا سفر زمینه برابروي.
د حکومت لخوا خپره شوي اعلامیه کې راغلي، د اورګاډي لومړني (فرسټ کلاس سیټونه) وړیا نه دي د هغه لپاره به ټکټونه اخلئ.
یو بهرنۍ خبري رسنۍ وايي، ددې اسانتیا وروسته به د ټکټ ورکولو ټولې مغازې وتړل شي او کارونکو ته به نور کارونه ورکول شي.
د لکسمبرګ لومړی وزیر زاویربټیل ددې پروژې په اړه وايي، ددې کار په کولو سره به دلکسمبرګ هیواد نور هم مشهور شي او سیلانیان ددې لپاره چې سفر په دې هیواد کې وړیا ده نور به هم زموږ هیواد په لور مخه وکړي.
د لکسمبرګ د ترانسپورت وزیر بیا وايي، ټول د موټرو لرونکي به زړه ښه نه کړي چې په بس او اورګاډي کې سفر وکړي خو موږ وایو چې خپلو خلکو ته اسانتیا برابره کړو.
لکسمبرګ هیواد کې به په ۲۰۲۵م کې موټرو او سایکلونو ته خاص تم ځایونه جوړیږي تر څو خلک له دغو موټرو او سایکلونو وړیا استعمال کړي، دغو سایکلونو لپاره حکومت جلا ۱۱۰۰ کیلومتر نوی لارې جوړوي تر څو سایکل والا پرې سفر وکړي.
