سپینې کوترې!

شاعر: الهام
.
اسلام غواړو، هېواد کې او بیا تا سپينې کوترې
سرونه ږدو د لوی خدای په رضا سپینې کوترې
.
ښکېلاک دی او که ګبر په یوه سلا مو وژني
ډارېږو لیري ګرځو له هر چا سپینې کوترې
.
دا سپینه ده که راغلې ته به هم اور کې پخه شې
اشغال ده زمونږ ځمکه تر فضا سپینې کوترې
.
کڼه به یې شاید چې د چورلکو غږ نه اورې
کڼه به یې چې نه اورې غوغا سپینې کوترې
.
د ویښ احساس څښتن به ستا راتګ ته خوشحال نشي
هېواد کې چې مو وي، دا سره بلا سپینې کوترې
.
ګیله مکړه مجبور یو، انقلاب دی اوزګار نه یو
که ژوند و سره و به وینو بیا سپینې کوترې
.
د دېن لار کې ور کړې قربانۍ مو ضایع نه شي
الهام وایې: را نشې بې بریا سپینې کوترې.