مفتي غزالي
عبدالله ابن عمر رضی الله عنه د رسول اکرم ﷺ څخه روايت کوي چې فرمايي: ای مهاجرينو ! پنځه شيان داسې دي که چيري تاسې پکې بوخت شئ نو په غټو افتونو به مبتلا شئ، او زه له الله تعالی څخه فناه غواړم !
۱: يو فحاشي، بدکاري چې په کوم قوم کې خپره شي نو په هغوی کې به نوې نوې ناروغۍ پيدا شي چې مخکې به هېچا نه وي ليدلي !
۲: کوم خلک چې په تول او ترازو کې کمی کوي، پر هغوی به د وچکالۍ تکليف راشي او ظالم واکمن به پرې مسلط شي !
۳: کوم قوم چې زکات نه ورکوي په هغوی به باران ودرول شي، که حيوانات نه وی نو يو څاڅکی به هم نه وو ورېدلی.(حيوانات چې څنګه د الله تعالی بې ګناه مخلوقات دي، د هغوی لپاره به څه باران کېږي) !
۴: کوم څوک چې د وعدې مخالفت کوي پر هغوی به نور قومونه مسلط شي او د هغوی مال او سامان به اخلي !
۵: کوم کسان چې د الله تعالی د قانون په خلاف حکم چلوي په هغوی کې به کورنۍ جګړې ډېرې شي !
( رواه ابن ماجه)
