په افريقا کې د اسلام خپراوی
ليکوال: عبدالواسع « صابر »
په افريقا کې د اسرئيلو، امريکا او اروپا په مرسته د عيسائيت لپاره ډېر په تېزۍ سره کار روان دی د اسلام د مخنيوي لپاره هر ډول وسايل او لارې چارې استعماليږي، څو عيسايي د هشت ګرد تنظيمونه د مسلمانانو د ختمولو او عيسايي کولو لارې چارې پرمخ بيايي .
په ډېرو افريقايي هېوادونو کې چې د مسلمانانو اکثريت دی ولې حکومتونه د نورو په زور او ځواک سره عيسايانو ته سپارل شوي دي ؟
خو د دې ټولو کوښښونو سره سره بيا هم اسلام په زياته اندازه د عيسائيت په مقابل کې خپريږي .
په جنوبي چاد کې عيسايي سلطان ياتريس، د هغه د قبيلې او حکومتي چارواکو چې دېرش زره ۳۰۰۰۰ تنه کېدل په يوځای اسلام قبول کړ، د چاد کلايي قبيلې هم ټولو اسلام ومنلو چې شمير يې زرګونو ته رسيده ، په دې کې ۱۴ پادريان هم وو .
د ازهر پوهنتون دراپور سره سم د روژې په مياشت کې په چاد کې ۳۰۰ تنه مسلمانان شول، د سوډان په سنار سيمه کې ۱۳۰۰ تنان او په جنوبي سوډان کې لس زره تنانو اسلام قبول کړ .
دکينيا په نيروبي کې يوازې د روژې په مياشت کې زر۱۰۰۰ تنانو اسلام قبول کړ، په کينيا کې د منکيکي تنظيم ۱۳ مشرانو په ممباسا کې اسلام قبول کړ، ددې تنظيم دافرادو شمېر درې لکه دی ، د مدغا سګرانتي مور قبيلې د رې لکو تنو اسلام قبول کړی، په مډغسګر کې د ۱۴ کليو او سيدونکو يو ځای اسلام قبول کړ او دحبشي د بورانا قبيلې ۴۰۰۰۰ کسانو په يوځای اسلام ومنلو اد ۲۵کليو او سيدونکو د اسلامي ښونو د زده کولو هیله ښکاره کړه.
د حبشي د باسو قبيلې ۲۰۰تنانو يوځای اسلام ومنلو.
په زمبياکې يوازې په څو ورځو کې څوسوو، کسانو اسلام قبول کړ .
د افريقا په نا مسلمانو اسلامي ادارو نږدې ۹۵۰ مسجدونه او ۸۰ ديني ښونيزې اداري يې جوړې کړي دي.
نږدې څلور زره د ابو څاګانې هم کيندل شوي دي.
د لو يديځې افريقاپه ايري کوست هېواد کې اوسطاُ هره هفته نږدې ۵۰ کسان ايمان راوړي.
په افريقا کې د مسلمانانو شمېر ۵۴٪ دی چې مجموعي شمېر يې ۴۳۰ ميليونه کېږي.
په تايلينډ کې په لسو کلونو کې د لسوزرو څخه زياتو تنانو اسلام قبول کړ، په جاپان کې هره ورځ او سطاُ سل ۱۰۰ تنان اسلام قبلوي، دهندوستاني ورځپاڼي (ريډئينس) د راپور سره سم په ۱۹۹۶زکال کې دټولې نړۍ د مسلمانانو شمېر۱۲۰۰ميليونه وو او د مسيحيانو شمېر ۱۸۰۰ ميليونه و.
خو په نيمه پېړۍ کې د مسلمانانو په شمېرکې ۲۲۵٪زياتوالی راغلی په داسې حال کې چې د عيسايانو په شمېرکې ۴۷ فيسده زياتوالی شوی .
تر ۲۰۱۰ پورې به د مسلمانانو شمېر دعيسايانو څخه زيات شي د اسلام خپراوي سره د دې چې د هغه په خلاف ټول ختيځ اولويديځ سره يوځای شوی دي بياهم په تېزۍ سره خپريږي .
