«سرليکنه»
وړمه ورځ ولسمشر اشرف غني د افغان ولس د هيلو پر خلاف دسولې په نامه له دا ډول اشخاصو څخه جوړه شوې شورا مشران او مرستيالان اعلان کړل ، چې په موجو ده اداره ( ملي يوالي حکومت ) کې ورته د لوړ پوست دنده نه وه رسيدلې او د دواړو ډاکټرانو څخه ناراضه وو، د دې امکان زيات و، چې د نورو ناراضيا نو سره په اپوزيسون کې شامل او د دولت پرخلاف يو پاڅون او کودتا ته زمينه برابره شي.
موږ د چا په شخصيت اعتراض نه کوو ، په بشپړ درناوي سره هر افغان ته قا نع يو ، اما په کاري ساحه کې بايد د يوې دندې لپاره کاري وړتيا او د مخه فعالیتو نو يا شا ليد ته هم بايد نظر وشي.
د ملي محاذ مشر پير سيد احمد ګيلاني ، چې د هېواد زياتره وګړي ورته ځانګړی درناوی لري؛ خو دوه کاله وړاندې يې د اسلام آباد او کابل ترمنځ د افغانستان د لوري د امن د جرګې مشر ټاکل شوی و، چې د دوو،کلونو په د وران کې د طالب وسله والو سره يې د امن په اړه د دو لت د نما ينده په حيث خبرې ونکړې، دارنګه دپيرصاحب مرستيالان هم د نار اضيا نو د جملې څخه دي، چې يوازي يې د اپوزيسون دز يا توالي په خاطر دسو لې په شورا کې ورته د نده ورکړل شوه .
دا شورا به دسولې په نامه ، چې نومول شوې ده کار به پېل کړي؛ خو سمبوليکه شورا به يوازې د بلې لارې ورکړل شوې ويناوې رسنيوته سپاري.
دا کسان په کاري وړتيا کې د مخه ازمايل شوي دي، چې ولس ترې د خېر تمه نه لري او نه د سولې په اړه کوم اغيز لري.
دسولې لپاره هغه اشخاص پکار وو،چې لومړی خو بايد د مخالفو اشخاصو د قناعت لپاره موثره سابقه ولري
دويم داچې د ريمګړ ی وي ؛ داکسان نه ژبوردي ، چې مخالف طالب وسله والومشرانو په خبرو سره قانع کړي نه د ريمګړي دي.
تردې دمه دملي يوالي دحکومت په ټوله کې په فساد ککړ دي او د مخه يې دومره خدمت هم نه دی کړی ، چې ولس او طالب مشران يې په کړنو باور وکړي .
له يوې خوا اشرف غني دا يوه هوښيارتيا کړي ده چې ديوي درجې کسان يې راټول کړي په دې کې د ښو او بدو مقصدیې د بدو نه؛ افغان ولس ته د نه خدمت دی چې يوه يې هم په ټولنه کې د خير او خدمت کار نامه نه ده کړې ټولو باندې يو نظر ورکول کېږي .
د دې شورا چې دسولې په نامه پکې څوتنه ناراضيان راټول کړل شول د جوړولو څخه دا څرګنده شوه چې د ملي يوالي حکومت په افغانستان کې دسولې اوامن اراده نه لري ؛ ځکه له څيرمه يې هغه کسان په ګوته راټول کړل چې يويې هم کاري وړتيا او د ولس ياد مخالفينو په وړاندې کاري سابقه نه لري او نه دومره باور لري چې هر افغان ولس او طالب مشران ورباندې باور ولري دا يوه خبره دمنلو وړده چې دسولې په نامه يوه پروژه ده ، چې د مخه يې استاد رباني، بيا يې د هغه ځوی صلاح الدين رباني مشران وو، چې د لومړۍ دورې له بهره ځانګړې شوې بوديجه يې تمامه او ورباندې بنده شوه امکان لري بيا ورته له بهره لږ څه بوديجه منل شوي او ديوې پروژې په شکل ترڅه وخته معاشونه ولري.
