لیکنه : دامت په غم غمجنه خور
بسم الله الرحمن الرحيم
څرنګه چى يهود نصارا اونور ټول کفار دمسلمانانوتاريخى دوښمنان دى نو واضح ده چى دوى دمسلمانانو ملکونوته بيله کومه هدفه نه ورځي؛ دوى دژوندسره ډيره مينه لرى ځکه چى همداغه دنياددوى جنت ده او آخرت ته اميدنه لرى؛ دپيسوسره بى کچى مينه لرى ځکه چى دوى دقرآن په شاهدى سره بخيلان دى؛ داچى دوى بياهم خپل زړه ته ورتير شيان لکه ژونداو پيسه قربانوى او يوه اسلامى مملکت ته په زور ورداخليږى معلومداره هلته خپلى ګټى اولوى لوى مقاصد وينى.
ددوى اصلى هدف موږته الله جل جلاله داسى راښيي:
وَدُّوا لَوْ تَكْفُرُونَ كَمَا كَفَرُوا فَتَكُونُونَ سَوَاءً (الآيه سورةالنساء 89)
ژباړه: دوى خوښوى چى کاشکى تاسو داسى کفر وکړى لکه دوى چى کفرکړى دى پس تاسوبه يوشان شى
داد الله جل جلاله قول دى اوموږايمان پرى لرو چى دوى غواړى چى مسلمانان خپل په شان کافران کړى؛ ځکه نودوى چى هرملک ته ورداخل سوى دى هلته يي داسلام بيخکنى شروع کړى او دکفرتورى تيارى يي خپرى کړى دى؛ دښه وضاحت لپاره په مثال کى بخارا او ثمرقند پيشوو؛ دا دوه مملکتونه داسلام دلويو مرکزونو څخه وه اودعلم لوى لوى څراغان پکښي ځليدل او سترعلماء پکښي وه؛ خوکله چى دکفاروله خوا اشغال سوه نوپه لږ وخت کى يي دهغوى علماء په شهادت ورسول داچى هغوى جهاد ته خاصه پاملرنه ونه کړه نوډير ژر دکفارو دمکارو اهدافو ښکارسوه نن په هغه مملکتونو کى اسلام په ټوله ييزه توګه نيست دى او اوسيدونکى يي سوچه کفار دى.
دخپلو اهدافو دلاسته راوړلولپاره دوى مختلفى لارى چارى په کاراچوى چى ځينوته به اشاره وکړو.
1: دمسلمانو غافله کول اودا ورڅخه هيرول چى وطن يي اشغال سوى دى
2: خپل ځان مسلمانانو ته دوست ورمعريفى کول
3: درسنيو له لارى په مستقيم اوغير مستقيم ډول داسلامى احکامو خلاف کول ترڅو مسلمانان ددينى احکامو څخه فاصله ونيسى
4: په اسلامى ټولنه کى پردى دود اوکلتور ترويجول
5: ښځوته ازادى ورکول ترڅو مسلمانان په عياشى او بربنډتوب اخته کړى
نور هم ډيرسته خو دليکنى داوږديدلو له بيرى مقدمه همدلته بسوو.
په اسلام کى دلوبو اوبازيو حکم:
علموا اولادکم الرماية والسباحة ورکوب الخيل
ژباړه: خپلو اولادونو ته نښه ويشتل؛ آب بازى او دآس سپريدل ورزده کړئ
پورته دري شيان خودثواب او نيکى کارونه دى ځکه چى مسلمانانو ته دخپل دين او وطن په دفاع اوجهاد کى په کارورځي؛ او نورى لوبى اوبازۍ لکه فوټبال والى بال کرکټ اوداسى نورچى کله دشريعت خلاف کارونه لکه دعورت لڅوالى اونور پکښي نه وى اويو څوک يي په دي نيت کوى چى بدن يي تکړه اوصحتمند وى نو حکم يي اباحت دى؛ يعنى نه ثواب اونه ګناه لرى؛ او که يي نيت صرف وخت تيرول وى نوبيا دالوبى عبث دى او هرعبث حرام دى.
آياپه مروج کرکټ کى ياد مسائل مراعت سوى دى؟ بلکل نه دى مراعت سوى
1: کرکټ دتلويزيون له لارى خلګوته ورليدل کيږى چى داکثروعلماوو په اند تلويزيون ته کتل جائزنه دى
2: دليدونکو لپاره صرف ساعت تيرى اووخت ضائع کول اوعبث کاردى حال داچى هرعبث حرام دى
3: دکرکټ په ضمن کى نور اسلام ضد اعلانونه او فواحش نشريږى چى دهرچا اوخصوصادماشومانوپه ذهن خرابولو کى مٶثر رول لوبوى
4: دکرکټ په وخت کى دلمانځه خاصه پابندى نه کيږى؛ دځينو خلګولمونځ هيروى اوځينى يي قصداپريږدى؛ هغه دينداره خلګ چى ځان بولى دهغوى حال داوى چى لمونځ کوى اوفکريي ټوله په کرکټ کى وى هغه عاجزى اوتواضع چى په لمونځ کى مقصوده ده هغه هيڅ امکان نه لرى چى پرځاى دي کړى
5: ددي لوبى په هکله خلګ دومره جدى کيږى چى دبرياپه وخت کى ترحدزياته خوشالى کوى؛ رسما ډزى کيږى اوشورماشور جوړيږى چى دډيرومسلمانانو دتکليف اوازارسسب ګرځي؛ اودشکست په وخت کى ترحدزيات خفه کيږى خلګوته ښکنځل کوى اوبياهم دخپلوکارونو اوعبادتونو په خوندنه پوهيږى.
ولى خلګ ددومره شرعى تاوانونو باوجود کرکټ ته دومره ليواله دى !!؟
آيا کرکټ دهيواد په پرمختګ کى کوم ځانګړى رول لوبوى؟
آيا کرکټ کومه مادى لاسته راوړنه ده؟
آيا کرکټ کومه معنوى لاسته راوړنه ده؟
يوڅوک به حتماوايي چى هو هيواد مو دنړى سره ځان برابروى اودايولوى افتخار دى چى مسلمانان يي خپلوى؛
نوښه مسلمانانو ته کوم وياړ او کومه مسابقه مهمه ده؟
مسلمانانو ته خو داحکم سوى دى چى تاسو دالله مفرت او جنت ته يوله بل څخه وړاندى والى او مسابقه وکړئ چى هغه په کرکټ سره نه بلکى په عباداتو جهاد نيکواخلاقو دموراوپلار اونورودوستانو سره په احسان کولو وغيره سره کيږى؛ خوداچى خلګ دکرکټ سره دومره ليونۍ مينه لرى ترشايي داغيارو لوى لوى پلانونه دى؛ په دې وروستيو کى کرکټ په پراخه کچه زور اخيستى، د رسنيو له لارى خصوصى پاملرنه ورته کيږى، د مکتبونو او حکومتى سنټرونو زده کونکى په مستقيم او غير مستقيم ډول ورته هڅول کيږى، ځانګړى لګښتونه په کيږى او په هره ممکنه وسيله سره د عوامو او خواصو ذهنونه ورته را اړول کيږى؛ ددوى هدفونه څه دى دهغوى څخه دوه بيانوو
1: دخلګو ډيرساعت ورتيرول او هغوى سخت مصروفه کول او دا ورڅخه هيرول چى دلته وحشيان راغلى دى اودمسلمانانو په حيثيت بايد فرض جهاد ورسره وسى؛ هغه چى دوى په هره وقفه کى دمجاهدينو خلاف اعلانونه اوتبليغات خپروى لاښه ددوى دهمدي هدف تاييد کوى
2: په همدغه ترتيب ښځو ته لاره هوارول څو هغوى هم دنارينه وو په څير ټيمونه جوړکړى او ددوى په خوله وطن ته وياړ وروبخښي ځکه دلته دښځو حقوقو يو شعارورته متوجه کيږى چى هغه داسى دى:
مرد = انسان
زن = انسان
انسان = انسان
نوچى کله نراوښځه سره يوشان اوبرابر سول نو هرڅه چى نران کوى ښځي يي هم دکولوحق لرى؛ دادى کرکټ ښځينه ټيم به جوړسى او نړيوالى مسابقي به کوى؛ يووخت به داخبره په هرصورت کيږى چى داټيکرى (پوړنى) ډيرمشکلات پيښوى تاسو وګورى دامو څوومه لوبه ده چى پکى ناکامه کيږو؛ هغه مقابل ټيم لوبغاړى خو ښه ازادى ګرځي اودټيکرى غم ورسره نه وى نوځکه يي ګټي……..
ښه دا ټيکرى خودى ليرى سى؛ بله ورځ يوه بله لوبه لکه بايسکل ځغلونه پرمخ ځي اود نارينه وو ترڅنګ ښځي هم برخه پکښي اخلى هلته بيا دښځو هغه کوچنى نيکر غوندى پتلون ته جواز ورکول کيږى چى ترځنګنونو پورته لاپښي لوڅي وى…..
بله ورځ همداسى نورى لوبى رواجيږى چى بالآخره په ټوله ييزه توګه نړيوالتوب ته ورښکيليږى چى ورسره سم دولس اذهان همهغسى ورسره جوړيږى ځکه عموما انسان او خصوصابيا ماشومان هغه څه عملى کوى کوم څه چى وينى
يوڅوک به وايي چى داخواسلامى ملک دى اووګړى يي غيرت اوناموس لرى هيڅکله به داسى ناروا اوفحشاوو ته اجازه ورنه کړى
هوبيشکه چى اسلامى ملک دى دغيرت اوشملو ملک دى خو کاشکى يي دواک رسى داغياروپه لاس کى نه واى؛ داچى اوس په ټلويزونانوکى په ډيره
بى شرمانه توګه سره فحشاء نشريږى دچا په اجازه؟
مسلمانان يواوملک مواسلامى دى نوولى هيڅ شرعى قانون اوحدود نه جارى کيږى؟
ولى دغله لاس نه پرى کيږى؟
ولى زانى نه په دروکيږى يانه سنګساريږى؟
ولى قاتل نه قصاصيږى؟
ولى پرقاذف باندى حدنه جارى کيږى…..؟
که داسى غافله اوسو نوښه يي زړه ته واچوئ چى زموږ به هم انجام دبخارا اوثمرقند غوندى وى نعوذ بالله
الله ته فقيره اوحقيره اوستاسو مسلمانه اودمسلمه امت په غم غمجنه خور
اللهم اجعل سعينا خالصا لوجهک الکريم
آمين يارب العلمين
——- پورتنی لیکنه د لیکوال خپل نظر دی د ادارې موافقت ورسره شرط نه دی ——-
