کابل ټکی کام (چهارشنبه، ۱۸ چنګاښ، ۱۴۰۴ل)
د اسرائيلو رسنیو تایید کړې، چې د غزې په شمالي سیمه کې د تازه نښتو پر مهال ۲ صهیونیستي پوځیان وژل شوي دي.
د عبري ژبې رسنیو د راپورونو له مخې، دغه پوځیان هغه مهال له منځه ووژل شول، کله چې د مقاومت ځواکونو د اسرائيلي پوځیانو پر یوې ګزمې برید وکړ.
د راپورونو له مخې، برید د غزې ښار ته څېرمه د عسقلان سیمه کې ترسره شوی او د قسام ځواکونو یې مسؤلیت منلی دی.
په برید کې څو نور اسرائيلي عسکر ټپیان شوي هم دي؛ خو د هغوی د روغتیايي وضعیت په اړه نور جزئیات نهدي خپاره شوي.
د اسرائيلي پوځ ویاند تر دې دمه یوازې د تلفاتو خبر تایید کړی؛ خو د پېښې د څرنګوالي په اړه یې نور معلومات نهدي ورکړي.
