کابل ټکی کام (شنبه، ۱ وږی، ۱۴۰۴ل)
د یمن وسلهوالو ځواکونو اعلان کړی، چې د فلسطیني ولس د ملاتړ او په غزه کې د صهیونیستي رژیم لخوا د روانې نسلوژنې او لوږې پر ضد یې یو شمېر لوی پوځي عملیات ترسره کړي دي.
د یمني پوځ د خبرپاڼې له مخې د «فلسطین-۲» نومې فوقصوتي بالستیک توغندیو پر مټ یې د اشغالي فلسطین په “یافا” ښار کې د “اللد-بن ګورین نړیوال هوایي ډګر په نښه کړی دی. د راپورونو له مخې دغه توغندي د صهیونیستي دوښمن له دفاعي سیسنمونو په بریالیتوب سره تېر او خپل اهدف یې ویشتلي دي.د هوايي ډګر چارې یې ګډوډې کړې او د صهیونیستانو ترمنځ یې ویره خپره کړې ده.
سرچینې زیاتوي چې د یمني پوځ د بېپیلوټه الوتکو ځواک هم دوه جلا عملیات کړي، چې په ترڅ کې یې د یافا او عسقلان په سیمو کې د دښمن یو پوځي او بل سوداګریز هدف په بریالیتوب سره په نښه کړی دی.
د یمن وسلهوالو ځواکونو ویلي چې دغه بریدونه د فلسطیني مجاهدینو د قربانیو او اتلولیو د قدر لپاره ترسره شوي او تر هغه به دوام وکړي څو چې د غزې پر ولس محاصره او بریدونه پای ته نه وي رسېدلي.
د ویلو ده، چې د یمني پوځ ویاند “برید جنرال یحیی سریع” یوځل بیا ټینګار کړی، چې هېواد به یې له فلسطیني ولس سره تر وروستۍ سلګۍ ولاړ وي.
