جګړې ته نږدې ، تر سولې  لرې هېواد افغانستان/کابل غږ

ستوري پيژندونکو ساينسدانانو  په اسمان کې د ټولو سيارو په اړه څېړنې کړي دي، د هرې سيارې په بېلابېلو اړخونو کې يې خپل معلومات ورکړي دي.

 يوه سياره ، چې ستوري پيژندونکو  نه ده ياده کړې هغه د پلوټو په نامه يادېږي،  د پلوټو سياره د لمرنه  لرې سياره ده ؛ خو تر هرې  سيارې ځپلې سياره ده هغه اثرات ، چې ځمکې ، اسمان او سياروته ځينې وخت تاوان رسوي تر ټولو سيارو پلوټو سياره تاواني ده او ګټه پکې په دې نه ليدل کېږي ، چې ساينس پوهانو پکې څېړنې نه دي کړي ؛  لمر تندرنيسي او هم سپوږمۍ چې په شرعي او ساينسي  علومو کې ورته کسوف او خسوف وايي . عام ولسي وګړي ورته دانسانانو دګناهونو دزياتوالي نوم  ورکوي ، وايي: انسانان  چې زيات ګناهونه وکړي ؛ حسوف او کسوف واقع شي.

افغانستان له يوې  خوا د سولې نه لرې د پلوټو د سيارې په څېر تر نورو نړيوالو هېوادونو  زيات و ځپل شو ؛ خو  د ۳۶ کالونه په زياتو کلونو کې د کسوف او خسوف نه  ونه  ژغورل شو.

نه  پوهېږو ، چې موږ به څومره ګناهونه کړي وي ، تر نورو هېوادونو  به  موږ  څومره وروسته پاتې  او څومره به ترې مخکې يو .

په نړۍ کې هر هېواد د ولس د خدمت لپاره اسانتيا لري؛ خو موږ ، چې سمندري بندر او اورګاډي  نه  لرو  په  وروسته پاتې هېوادونوکې شمېرل کېږو؛ خو تر نوروهېوادونو چې لومړي يادېږو هغه په ورور وژنه، تباهيو او فساد کې ککړ هېواد په نړيوال شهرت  موږ ته حاصل دي.

 ځينې افغانان وايې:  ادم عليه السلام  پښتون و، وروستي نسل يې نورې ژبې وويلي . پښتانه په خپلو کې سره وژني ځکه خو قابل هم هابل وواژه .

موږ خپله نړيواله  سيالي کوو د ځينو هېوادونو سره  سيال يو، دځينو څخه پاتې او د ځينو وړاندې يو؛ فرانسه  چې په نړيواله سطحه يو شتنمن  هېواد دی د مستۍ او عياشي نه په نړيواله کچه د شرابو د استعمال لومړی هېواد يادېږي،  په مقابل کې د زيات غربت اوبې وسۍ نه .

افغانستان د شنو چايو زيات استعمالوونکي هېواددی چې اکثر او ليدونکي يې دزياتې بې وسۍ نه  ډوډۍ  هم د چايو سره خوري.

که کاناډا په  نړيواله سطحه د لرګيو د استعمال او ودانيو لومړی استعمال لرونکی هېواددی ، چې په خپل هېوادکې لرګي زيات استعمالوي د کورونو ښکلا پرې زياتوي ؛ نو فغانستان هم په نړۍ کې لومړی  هېواددی ، چې له هر هېواده  قيمتي او ښکلي لرګي لري او د خپل هېواد د استعمال پرځای په نړيواله کچه بهر ته د لرګيو د قاچاق لومړی هېواد يادېږي.

که د نورو هېوادونو امن او هوسا ژوند دومره زيات او ډاډمن دی چې پيلان يې په ولاړه خوب کوي زموږ په هېواد دومره ډزې، بمبارۍ، توپونه، عمليات اوچاودنې دي چې انسانان څه  چې حيوانات څاروي او مرغان مو هم په ناسته او ملاسته څو له بدامنۍ  نه  خوب نه شي کولی.

که په لومړي ځل د ادب د نوبل جايزه د جرمني اوسيدونکي ای-دي بيرنګ ته ورکړل شوه  د راتلونکې کال د بې ادبيو جايزې نه زموږ ځوان نسل چې د پردي کلتور څخه يې لاس ته راوړي دي ؛ ځان نومولی دی ، په نړيواله کچه به دبې ادبۍ انعام د افغانستان ځوان نسل لاس ته راوړي.

هسې زموږ دښمنان موږ پسې تبلغات کوي ، موږ خود کوم هېواد نه  وروسته پاتې نه يو،  که سوله نه لرو په جګړه کې تر هر هېواد واړندې يو، که شتمن نه يو په نيستۍ کې راته يو هېواد هم نشي رسيدی، نه کوم هېواد دا جرئت لري چې په فساد کې رانه دمخه شي.

کوم هېواد دومره زړور پوځ لري چې خپل ولسي وګړي ووژني؟

 کوم هېواد دومره ميړني زورواکي او چارواکي لري چې دولتي ځمکې غصب کړي؟

 دا يوه کمزورتيا لرو چې د پلوټو سياره تر  لمر  او موږ تر امن او سولې  لرې يو.