د ټلیفون د ژر چارج ختمونې مخنیوی

کابل ټکی کام ۰۲حمل/۱۳۹۴، انجینر میرویس څرګند
ټلیفون یا ګرځنده موبایلونه چې نن سبا ستر سهولت سازه او استعمالېدونکي دی، خو د سهولتونو سربېره یو لړ ستونزې هم لري، چې یو له هغې څخه ژر چارج ختمونه ده، دغې ژر چارج ختمونې خلک د ډېر تشویش سره مخ کړي دي، او نه غواړي چې موبایل په ورځ کې زيات استعمال کړي.
خو د لندن پوهنتون انجینرانو د دغې ستونز حل لاره را ایستلې ده، او د ژر چارج ختمونې د مخنیوي لپاره یې یو شمېر مهمې لارښوونې کړي دي، که عملي کړی شي، نو تر ډېره امکانه پورې به ستاسو دغه ستونزه حل کړی شي.
د لندن د پوهنتون انجینرانو ویلي دي، چې د خپل سمارټ فون شټ ډاون لوکېشن سروس «Shut down location services» مو تل غیر فعال ساتئ، ځکه په فعال ساتلو سره د مختلفو وېبپاڼو د فعالېدو لپاره کار کوي، چې له همدې کبله د ټلیفون په ژر چارج ختمونه کې ستر لاس لري.
دوی همدا راز ویلي دي، چې د ټلیفون پوش نوټیفکېشن «Push notifications» غیر فعالوئ، ځکه په فعال ساتلو سره یې تاسو ته شېبه په شېبه مالومات در کوي، چې دا هم د موبایل په ژر چارج ختمونه کې ستر خنډ دی.
دوی ویلي دي، چې د موبایل پر سکرین نه خوځېدونکی تصویر ور کړئ، ځکه د خوځېدونکی تصویر په خوځېدو سره مو د ټلیفون چارج بې فایدې ختمیږي.
دوی زیاته کړې ده، چې ټلیفون مو تل یخ ساتئ، ځکه په ډېر ګرمېدو یې سره هم چارج ژر ختمیږي.