په غرب کې جنسي تېری د ادب او سلوک په نامه مشروط شو/کابل غږ
په غربي ټولنه کې د ژوند تېرولو لپاره خپل اصول او قوانين جوړ شوي دي ، چې هلته څوک ژوند کوي د هغو هېوادونو د قانون لاندې به يې کوي او خپل قانون به پرې مني ؛ که يې ونه مني په غربي ټولنه کې به ورته ژوند کول ګران وي، لکه : ښوونځيو ته د ورتلو پر مهال نجوني حجاب نه مراعت کوي ، په کور کې چې لور او ځوی بالغ شول د کور مشر به يې د کړنود مخنيوي حق نه لري خپله ازاد دي ، چې څه کوي، چېرته ځي، د چاسره ځي،
څه ګوري؟ او نور … دا که مسلم وي او که غير مسلم د اروپايي ټولنې له اصولو سره سم به هلته ژوند کوي .
کوم اشخاص ، چې هلته ژوند لري دا ټول يې پر ځان په هغه هېواد کې د قبولۍ په فورمه کې لاس ليک کړي دي ، چې زه به د دې هېواد د قانون مطابق ژوند کوم.
د روان کال ۲۰۱۶ په لومړيو کې ، چې په غربي هېوادونو کې جشن نيول کېږي د شپې په مراسمو کې ، چې څوک څه کوي ورته ازادي شته په دې مراسموکې ښځې او نارينه ګډه برخه اخلي ، په جرمني کې ، چې د روان کال د پېل شپه وه هر ډول ازادي وه تر ټولو زياته ازادي پکې جنسي تېری و ، چې دې تېري ته قانوني ازادي ورکړل شوې وه.
د جرمني او د نورو غربي هېوادونو ځونانو او د منځني عمر نارينه جنسي تېري وکړل ؛ خو د سوريې او افغانستان تنکي ځوانا ن ، چې اروپايي هېوادونو ته تللي دي له دوی څخه ښځو دا شکايت وکړ ، چې دوی د جنسي تېري اداب او سلوک نه لري.
د جرمني حکومت د بلجيم د يوې روغتيايي مؤسسې او نړيوالې روغتتيايي ادارې په مرسته په جرمني او غرب ته ورغلو کم عمره ځوانانو لپاره يوه د زانزو په نامه ويب پاڼه جوړه کړي، چې د افغانانو لپاره په دري او سوريې لپاره په عربي علاوه نورو ۱۲ ژبو کې پرې د جنسي تېري د ادب او سلوک درس او معلومات ورکول کېږي ، چې د کډوالۍ په کمپونو کې ورته تدريس کېږي .
په غرب کې ، چې څوک اوسېږي په دې شرط به هلته ژوند کوي ، چې د جنسي تېري اداب او سلوک شرط ومني ؛ معنا دا ، چې جنسي تېری ، خو ازاد دی او افغان ځوان نسل د همدې بې لاريو او د اسلام د مبارک دين څخه د لرې والي لپاره منل کېږي ؛ خو جرمني د قانون ادب او سلوک به يې شرط وي ، که تر دې وروسته ورته بل غير اسلامي شرط کېښودل شي هغه به هم مجبوردي ، چې هلته ژوند کوي مني به يې.
افسوس زموږ د هېواد په حال ، چې ځوان نسل مو دا ډول شرطونو منلو ته ورسيد.
