کابل ټکی کام ۱۱حمل/۱۳۹۴، سمسور ګیلاني
د روسیې خبري منابعو خبر ورکړی دی، چې د دغه هېواد سو۲۵ ډوله جنګي الوتکه راغورځېدلې ده.
خبرونه وايي، دغې الوتکې د تعلیمي الوتنې په موخه الوتنه کوله، چې پریمورسکي نومي سیمه کې د کورونو سره څېرمه وغورځېدله.
د خبرونه له قوله، ښايي الوتکې د تخنیکي ستونزې له کبله سقوط کړی وي.
د روسیې د خبري منابعو د خبر پر اساس چې پیلوټ ځان د پراشوټ په مټ راغورځولی، چې ژوندی ژغورل شوی دی.
د روسيې خبري منابعو زیاته کړې ده، چې په دغه پېښه کې هېچ چاته هم زیان نه دی اوښتی.
د یادولو ده، چې تېره شپه د افغانستان بګرام هوايي ډګر کې هم یوې امریکایي جنګي الوتکې د الوتنې پر مهال سقوط وکړ.
