ايا يوازې په ننګرهار کې نا امني ده؟

« تبصره »

د کورنيو چارو وزارت په خپله يوه خبر پاڼه کې ويلي دي ، چې په ننګرهار کې به له دې وروسته پر شخصي وسلو ګرځولو بنديز ولګول شي ؛ ترڅو د ننګرهار په ولايت او ټول ختيځ زون کې امن راشي.

د ننګرهار ولايت اوسيدونکو تل د خپلو ولايتي چارواکو څخه د امن ، سولې ، روزګار ، عدالت او د ژوند نور قانوني اسانتياوو، غوښتنې کړي دي ؛ خودا چې د کورنيو چارو وزارت په خپله اعلاميه کې ليکلي ، چې د ننګرهار د اوسيدونکو په غوښتنه مو په ننګرهار ولايت کې د شخصي وسلو په ګرځولو بنديز ولګاوه ، موضوع بل ځای کې ستونزه شته او هغه دا ، چې د ملي امنيت شورا په ټول هېواد کې د انسان تښتونې د لارو په اوږدو کې د غلاو او نورو جرايمو په مخنيوي کې نا کامه شوه.

 د بلخ ، جوزجان ، کندوز ، هلمند ، فارياب ، سرپل او نورو نا امنه ولايتونو کې ، چې د انسان تښتونې کچه لوړه ده او دغه انسان تښتونه د ننګرهار ولايت او ټول ختيځ زون ته رسيږي.

ننګرهار څه ، چې په ټول ختيځ زون کې چا د لوی لارو په اوږدو کې د غلا ، انسان تښتونې او موټر تښتونې شکايت نه دی کړی.

انسان تښتونې او د شخصي وسلو په زور غلاو او داړونو څخه خو د بلخ د چمتال ولسوالۍ او نورو ولسواليو او سيدونکي تنګ شوي دي، د قاضي القضات پلار خو د ننګرهار شخصي وسلو ګرځوونکو نه دی تښتولی ؛ د ملي امنيت ، کورنيو چارو ، دفاع وزارت او د امنيتي ارګانونو مسؤلينو ، چې په ۱۶ ورځوکې د ستر قاضي د پلار په لاس ته راوړلو کې ناکام شول ؛ نو تېره ورځ يې اعلان وکړ ، چې ستر قاضي پلار چا تښتولی دی.

بيا ورپسې د کورنيو چارو وزارت په خپله اعلاميه کې ويلي ، چې دهېڅ امنيتي مسؤلينو غفلت نشو زغملای، غفلت خو د يوې وړې موضوع لپاره هم او لويې لپاره هم رامنځته کيدای شي ، د ننګرهار ولايت هسکې مينې په ولسوالۍ مريز کنډو پوسته باندې داعش جګړمارو بريد وکړ ، سهار مهال يې د پوستې اووه ( ۷ ) تنه ووژل بيا يې پرې تېل واړول ويې سوزل ؛ خو ترڅنګ د نورو پوستو پوليسو يې دفاع کې مسؤليت نه دی ادا کړی؛ دې ته غفلت نه مسؤليت ويل کېږي. د ملي يوالي حکومت د ولس په وړاندې پرغفلت پړنه دی، د ولس د سر او مال د ساتلو مسؤليت دې او يوازې د ننګرهار په ولايت کې نه د ننګرهار په شمول د هېواد د ټولو اوسيدونکو په اړه مسؤل دی.

 دويم دا ، چې شخصي خلک وسلې نه ګرځوي دا سيمه ييز پوليس دي ، چې د ورځې په يو نيفورم کې او د شپې غلاوې کوي.