وَلا تَنَازَعُوا فَتَفْشَلُوا وَتَذْهَبَ رِيحُكُمْ (الانفال ۴۶).
ترجمه: ای مسلمانانو تاسې په خپل مینځ کې جګړې مه کوئ کنه نو بې زړه به شی او قوت به مو ولاړ شی.
ژباړه : ع.اسد خیل
(د الجزیرې نه په مننې )
که د اسلامي هېوادونو حالاتو ته لږ ښه ځير شو او په خپل منځ کې یی اختلافاتو ته یو ژور نظر وکړو نو جوته کېږي چې همدا اختلافات هماغه یواځینی علت دی چی نور بېګانه او غیر اسلامي دولتونو تهدیدوې جرآت ورکوي چې پر دغو اسلامي هېوادونو وبلوسیږي، بریدونه پرې وکړي، سېمې یې لانډې کړي، په غصب کړو ځمکو یې خپله قبضه لا هم ټینګه کړي، خپلې پرېکړې پرې په زور ومني، او بالآخره د غلامۍ جغ ورته په څټونو کیږدي.
لاندې معلومات چې د الجزیرې له نټ نه ژباړل شوی دی که په غور سره ولوستل شي او فکر وکړای شي چې اسلامي هېوادونو او مسلمانانو ته څومره د تأسف ځای دی چې د غیر اسلامی هېوادونو مشران ورته په ظاهره له یوې خوا د خپلو مخالفینو په نه وژلو او د هغوی په نه له مینځه وړلو نصیحت کوي خو له بلې خوا د هغوی د ختمولو لپاره یو متبادل معاصر او ماډرن تخنیک ورپه ګوته کوي او ورته وایی چی د هغوی په وژلو هغوی نه ختمیږي بلکه په نرمه یې ختم کړي چې هغه د بشري حقوقو د احترام له لارې چې یوه مجربه نسخه ده.
همدا راز په نورو اسلامي هیوادونو کې چې مسلمانان په خپلو منځو کې په جګړه بوخت دي خو یو بل په هسې په نوم اسلامي هیواد د خپلو غیر مسلمانو بادارنو په اشارې سره او د دې لپاره چې د جنګ په اور نور تیل واچوي په دې موخه خپل نظامي پوځونه وراستوي څو له یوې خوا دغه بین المسلمین جګړه ګرمه وساتي او له بل لوري په عوض کې یې د خپل هېواد په اقتصادي بندیزونو کې له غیر اسلامي هیوادونو نه یو څه د نرمۍ سند لاس ته راوړي.
نو ځکه بالآخره غاصب یهود د اسلامی هیوادونو او مسلمانانو د دې نزاکتونو په لیدلو سره یو ځل بیا خپل جرات په ډاګه اعلانوي چې هیڅکله به د نورو اسلامي هیوادونو د هغو سیمو نه ونه وځی چې غصب کړې یې دي بلکی تل به پکی پاتي شي، له بلی خوانه یو بل اسلامي هیواد ګورو چې په لوی لاس خلک دې ته مجبوروي چې د خپل حکومت په خلاف وسلې ته لاس کړي.
دا تاسې او دا مو معلومات او قضاوت مو پخپله وکړئ
- د ایران ولسمشر حسن روحانی په لومړي ځل اعتراف وکړ چی هېواد یې سوریې او عراق ته خپل نظامي ځواکونه استولي دي او دعوه یې وکړه چې هغه یې عراق او سوریې ته د دغو هیوادونو نه د ترهګرۍ په مقابل کې د دفاع په موخه استولي دي.
- مصري حکومت په دغه هېواد کې د سینا ولایت اوسیدونکې دېته مجبوروي چې د اسلامي دولت (داعش) سره یوځای شي. تېره ورځ د لومړي ځل لپاره د سیناء له قبایلو څخه یو تنکی ځوان د دې لپاره راووت چی په یواځی ځان سره پر مصري ځواکونو برید وکړي، او موخه یې دا وه چې د مصري ځواکوانو په لاس د خپل بې ګناه وژل شوي پلار او ورور غچ واخلي.
- د فرانسې ولسمشر د مصر له (جعلي) ولسمشر عبدالفتاح السیسي سره ناسته وکړه په دې ناسته کې د فرانسې ولسمشر د خپلو د خبرو په ترڅ السیسي په دې ورټلو چې د خپلو مخالفینو په له مینځه وړلو کې هڅی او هاند کوي او هغه ته یی نصیحت وکړ چی باید بشری حقوقو ته احترام وکړي، او د بشري حقوقو په احترام کولو سره د ترهګرۍ سره مقابله کولی شي او دا د هغوی په له مینځه وړلو کې تر ټولو غوره وسیله ده.
- اسرائیلي غاصب دولت د لومړي ځل لپاره د سوریې نه په غصب کړی جولان تړانګه کې غونډه وکړه، او صدراعظم بنیامین دې غونډې ته په خپلو خبرو کې وویل چې اسرائیل به هیڅکله د جولان تړانګه خوشې نه کړي او دلته به د تل لپاره پاتې شي.
