د طالب بندیانو اعدام د اشرف غني پر تندي تور داغ

افغان پوليسو او اردو ته د خواخوږي پيغام

امين وردګ

اې د مسلمان افغان بچيانو !
تاسو بايد ويښ شئ !
تاسو د هغو باتورو او ننګياليو افغانانو بچيان ياست / چې تل يې د طاغوت ملاوې ور ماتې کړې دي !

ستاسو تاريخ تاسو ته وياړ پريښى .

همدا ستاسو نيکونه وو چې د مغولي لېوانو (چنګيز ، هلاکو او ګوډ تيمور) ملاوې يې ور ماتې کړلې !

همدا ستاسو نيکونه وو چې د مجسوس پزه يې کږه او د ګورګين مرۍ يې پرې کړه وه.

همدا ستاسو نيکونه وو چې لويه شيطانه (برتانيه) يې درۍ ځله په ګونډو کړه.

ستاسو پلارونه وو چې شرقي امپراتوري يې د تل د پاره تارمار کړه.

نو دا پر تاسو څه وشول / چې د خپلو نيکونه پاکې وينې مو (د همغوى پر دښمانانو) باندې (يوازې د يو څو لعنتي کاغزي بانک نوټونو په بدل کې) و پلورلې ؟

که ستاسو هغه ميړني نيکونه (چې همدا غربي او شرقي طاغوت يې تر پزې را وستلى ٶ) له تاسو و پوښتي / چې ولې ؟
تاسو به همدا لکۍ لرونکي دروغ ورته واياست : چې زموږ جګړه خو له پاکستان سره وه ؟

لږ فکر وکړئ ؛ فکر کول د باتدبره او هوښيارو خلکو کار دى !
زه همدا تا (لوستونکي !) ته د الله په نوم قسم درکوم / چې تا لا تر اوسه د افغان او غرب په جګړه کې کوم پنجابى ليدلى دى ؟
ما خو والله که ليدلى وي ، نه پنجابى دومره غيرت لري !

نو اې کمبخته ، کمفکره او کم عقله افغان عسکره !
دا پر تا څه وشول ؟

ښه يې ګورې چې ټولو کفارو اشر درته کړى ، نږدې د شپېتو کفري هېوادونو وحشي نظاميان سره راټول شوي او ستا اسلامي مقدسات ، بيت المال ، خاوره ، معادن ، کلتور ، عنعنات ، عفت ، تاريخ او خپلواکي يې تر بريدونو لاندې راوستلي دي او ته لا ورته ګورې ، والله چې درته ننګ دى .

دېته ته د پام شته که نه / چې هغوى (ښځې او نران) له وسلو سره راغلي ؛ ((ستا)) يې هر څه در لوټ کړل او ته هم ورسره مل يې ، أءهه !

ته او خداى چې ستا وجداني قضاوت همدا دى ؟

ته او الله… همداسې د يوه مسلمان افغان سره لازمه ده ؟
ته او خداى چې ستا نيکونو او پلارونو به همدا غوښتل؟

ته او خداى چې ستا الله او ستا پيغمبر په همدې خوشاله کيږي ؟

ته او خداى چې د وطن پېغلې به ستا پر همدې غلامۍ فخر وکړي ؟

نه !!!!!

زه پوه يم چې همدا زما خبرې هم پاکستانى پلان درته ښکاريږي / خو نه … زه د افغانستان په يوه ښار کې او سېږم ، ټول مصارف له خپل جيب نه کوم او د خپل لاس نه يې خورم !
والله که مې په ټول عمر کې يوه افغانۍ معاش هم د دې د پاره له چا اخيستى وي ((چې سياسي فعاليت ورته وکړم)) نه دومره بې وجدانه او خائن يم.

زما استاذ تاريخ دى او مغزي پيچکاريانې د الله قانون راکوي ، اوس پوه شوې ؟

خبرې خو ډېرې دي مګر زه يې لږ را لنډوم !

الله پاک امر کړى چې ((تاسو ته کفار هر ځاى د قتل د پاره برابر شول نو قتل يې کړئ ، بند يې کړئ او محاصره يې کړئ))
نو زما په لاس کې خو اوس قلم دى / هم مې بند کړي او هم مې محاصره کړي ان شاءلله ، مګر ستا په لاس کې بيا هم وسله شته او هم موقع / خو افسوس چې قوي ايمان او قوي وجدان ته سخته اړتيا ده که يې الله درکړي.
خو دا واوره !
کوم لاسونه چې د الله لوري ته لپه شوي او لپه کيږي / د هغوى ټولو غوښتنه د مجاهد حفاظت او د کافر ذلت دى ، نو مجاهد شه / چې الله عزت درکړي او له ذلت نه ځان وباسه !
شا ته داسې ځلاند نوم پرېږده لکه د (عبدالعظيم) : چې نن يې يوازې پر نوم باندې ټوله اسلامي نړۍ فخر کوي / هغه هم ستا غوندې يو دولتي عسکر ٶ ؛ مګر الله پاک دومره لوړ شان ورکړ : چې تر ډېرو مسلمانانو اوچت شو.

ته هم عزم وکړه ، همت وکړه / د کافر ککره ماته کړه ، وطن آزاد کړه ، د مسلمانو خويندو عزت خپل او په قرآن ننګ وکړه .
د پنجاب آرمانونه خاورې کړه ، د ايران نقشې څيرې کړه او د غربيانو آرمانونو او تمو ته اور واچوه ، همت وکړه / د دين ، ناموس او خاورې عسکر شه ، نه د غرب عسکر .

په الله توکل وکړه !

د الله د پاره پورته شه ، د هر مزدور پزه ماته کړه / هغه که د هر چا مزدور وي ، نور ته هم دا د کفر مزدوري بس کړه او د اسلام مزدور شه ، د غرب عسکري بس کړه د الله عسکر شه ، د پنجاب غلامي پرېږده د الله غلام شه .
پورته شه ، وياړ مو شه او د سر تاج مو شه ، وطن د غرب په وينو و رنګوه نه د خپل مجاهد ورور !
ځه له الله سره پيمان وکړه.

ويښ شه او و ګوره : د دولت مشران خو د وينې چې د جانکيري ملعون لانځکې دي !

وطن د خرڅ او عزت د لوټ شو ، قرآن کريم د پليتو غربيان په اور کې وسوزولو ، نو ته به کله ننګ کوې ؟
نور ويښ شه او بس کړه دا د ذلت ژوند.

زه د خپل کلي طالب ښه پېژنم

ليکوال : امين وردګ

زموږ په کلي کې هم طالبان شته ، جهاد کوي : پيرې کوي ، ګزمې کوي او د خلکو خدمتونه کوي !
د دوى له برکته څوک په چا تېرى نه شي کولاى .
غلاوې نه کيږي.
زناوې نه کيږي.
قتلونه نه کيږي.
څوک په چا ظلم نشي کولاى.
سر ، مال او ناموس په امن کې دي.
مدارس او مکاتب فعال دي ؛ معلمان مو په امن کې دي ؛ کلونه وشول چې په لسګونو کيلومتره خامه لارې په زړو بايسکلونو وهي.
روغتونونه فعال دي ؛ ښځينه او نارينه ډاکتران پکې شته.
محکمه او قضا موجود دي ؛ حقوقي او جزائي مسائل ښه په منډه خلاصيږي ، رشوت نشته ، واسطه نه غواړي.
ماشومان مو لوبې کولاى شي : فوټبال کيږي ، کرکټ او واليبال ښه په درز روان دي.
ځوانان خنداګانې کوي ، خوشالۍ شته .
په ودونو کې ساتيري ګانې وي ؛ ښځې خپلې خوشالۍ کولاى شي.
هر څه ښه منظم روان دي ، د ولس خلک مو ډېرى د طالبانو پلويان دي.
خو هو …!
خطاګانې هم شته :
په وسلوالو يوازې د وسلوالو زور ښه رسيږي !
که کوم مسلح کس جرم کړى وي ، نو يوازې تر هغه قوي سړى حکم ورباندې جاري کولاى شي !
که د کوم قومندان ملګرى د کوم ولسي کس له خوا ووهل شي ؛ نو په بدل کې يې وهل حتمي دي ؛ ولو که ملامت هم وي ؛ مګر په هغه صورت کې چې ولسي کس قوي واسطه ولري .
له خپلو ملګرو څخه د ځان په نفعه کارونه اخيستل کيږي او کله چې ګټه ترې و نه ويني نو بيايې بې وسلې کوي هم او تحقيروي يې هم.
داسې مشران هم شته : چې جرم وکړي ؛نو څوک پوښتنه قدر هم نشي ترېنه کولاى.
ځينې ړانده قتلونه هم کيږي ؛ چې ولس ته اسناد نه وړاندې کوي.
که څوک حق ووايي ؛ نو د ځينو له خوا ګواښل کيږي.
داسې کفر پلوي خلک هم پکې شته : چې د خپلو ((طالبانو وروڼو)) په واسطه آزاد کرځي ؛ اګر که نور مجاهدين ورته پټ پټ کيږي خو … .
مګر دا لاره حقه ده ، امارت په حقه راپورته شوى ، جهاد حق دى ، موږ بايد حق په افرادو نه ؛ بلکې افراد په حق وپېژنو .
د صفوفو ((سلنه/فيصدي)) يو مخ پاکول ګران کار دى ، ځکه چې د صحابه وو په صفوفو کې هم منافقان وو لکه : ((عبدلله ابن سبأ)) او داسې نور… بل دا چې پاک خلک هم يو مخ ميدان ته نه دي راوتلي ، نو ارومرو پدې صف کې هر ډول خزندګانو ځاى نيولى.
کفار ډېره پانګه پدې لاره کې هم لګوي ؛ تر څوک د امارت دا پاک صف په درنده ګانو او خزنده ګانو باندې چټل کړي ؛ خو لله الحمد چې لا نه دي بريالي شوي.
خو داسې ورځ راتلونکې ده ؛ چې له هر چا سره حساب وشي ؛ د شهيدانو وينې ، د ټپيانو کوکې او د بنديانو سلګۍ به بېځايه نه ځي ان شاءالله !
يا الله ته خو د امارت دا پاک صف له ناپاکو څخه پاک کړې !
يا الله ته مو امراء او افراد په شريعت برابر کړې .