ترجمه : روحاني
دا انځور د اتاتورک د ځنکندن پر مهال دپارک په هوټل کی اخیستل شوی دی، دهوټل مخې ته په موجود وړوکی مسجد کې به اذان کیدو، نو اتاتورک به ګردچاپره خلکو ته وویل: څوک وایی چې مونږ مشهور خلک یو؟
زمونږ شهرت څه شی دی؟
دی سړی ته وګورئ (یعنی رسول الله صلی الله علیه وسلم) ته ، هغه څنګه خپل نوم او شهرت ځای پر ځای کړی چی نوم یې هره لحظه په ټوله نړۍ کې تکراریږي، نو دا مناره دې ونړول شي!! خو د ده د …. بې ایمانه خاتمې …. له کبله اتاتورک پر خپل ځان ډیر ویریدو، ځکه یې پر ځان باندې لوی لوی ډاکټران راغونډ کړی وو خو سره له دی ډاکټرانو دا کشف نکړای شوه چی نوموړی د ینې په مرض اخته دی تر دې چې د له مینځه تلو مرحلې ته ورسیدو چې له بدن نه یې د اوبو د ویستلو ته اړتیا پیدا شوه او په ستنه باندې یې له ګیډې نه اوبه وویستلې.
ورپسې الله تعالی د الزهری په مرض اخته کړ د ده د بدعملۍ او مشهورو فحشاو په وجه د هغه مرض پر مهال چې د ده د مړینې سبب شو الله تعالی ورباندې داسې کوچني سره حشرات مسلط کړل چې په سترګو نه ښکاریدل او د ګرولو او خارښ سبب ګرځیدلي وو تر دې چې څوک سفیران یا نور د نړۍ لوړ پوړي چارواکي به یې پوښتنې ته ورتلل نو د ده پر مخ باندې به د دهغې بد اثرات محسوسیدل او بالآخره دا روښانه شوه چې د دې سبب د ده په بدن باندې مسلط یو ډول سره میږی دي چې له چین نه غیر په بل ځای کې نه موندل کیږي!!
سبحان الله!!
چین ته وګوره او ترکیا ته؟
دا د دې لپاره چی الله تعالی نوموړې د مرګ پر مهال دهغې په واسطه ذلیل، رسوا او شرمنده کړي، د الله په لښکرو له الله نه بغیر بل څوک نه پوهیږي، او دا میږي د ده په عذابولو آن له ۱۳۵۶هـ نه تر ۱۳۵۸هـ پورې اخته وو تر دې چې ومړ او د تاریخ ډیران ته په ۱۶ د شعبان ۱۳۵۸هـ وغورځیدو، بیا په ده باندی د جنازې کولو په اړه جنجال رامینځته شو صدراعظم وویل چی د جنازې لمونځ دې پرې نه ادا کیږي او لوی درستیز دی په دې اړه تصمیم ونیسی خو بیا د اوقافو مدیر شرف الدین افندي چی له اتاتورک نه څو چنده زیات خبیث او سپک انسان و په ده د جنازی لمونځ ادا کړ.
کله چې د یوه قوم لارښود کارغه وي، نو نه به هغه قوم بریالیتوب ته ورسیږي او نه به کارغه بریا ومومي.
او د دغه مړ کیدونکی مجرم تر ټولو عجیبه اقدام لا دا چی وصیت یې وکړ و چې د بریطانیا سفیر به په ترکیه کې د ده د مشرۍ سرپرستي وکړي او کارونه به پر مخ بیایي او په دې طریقې سره یې د مشرۍ واګي د خپلو بادارانو په لاس کې ورکړل تر څو د ده له مرګ نه وروسته هم د ده مشري په دې طریقې سره پرځای پاتی شي.
