سرلیکنه
درمضان المبارک دمیاشتې په رارسیدوسره په کابل مرکز او نورو ولایاتو کې د لومړیو خوراکي توکو دومره ګراني راغلې چې دټیټو رتبو د مامورینو او په ځانګړې توګه دمعلمینو چې په معاشونوکې ېې هیڅ ډول زیاتوالی نه دی راغلی او یا دهغو خلکو چې بې کاره وی دهغو په وس دګرانۍ له امله دخوراکي توکو رانیول پوره نه دي .
داچې دروژې په مبارکه میاشت کې دخوراکي توکو بیې ولې دومره لوړې شوې دسوداګرۍ او صنایعو دخونومسئولینو ویلي چې دخوراکي توکوپه بیو کې دوزارت لخوا لوړ والی نه دی راغلی خو پرچون فروشانو داړتیاوړ لومړیو خوراکي توکوپه بیو کې لوړوالی راوستی دی دوي دروژې په مبارکه میاشت کې د ولس سره دهمدردۍ پرځاې خپلې ګټې په نظرکې نیولې دي.
دسوداګرۍ اوصنایعو خونو مسئولینو ویلي دي چې دلومړیو خواراکي توکو دبیو دلوړوالي دکنترول لپاره ېې یوه کمیټه جوړه کړي ده او دهغې کمیټې په وسیله به دپرچون فروشانو لخوا د خوراکي توکولوړې شوې بې کنترول کړل شی.
دمخه به په بازارونوکې دخوارکي توکو او نور اړونده شیانو دبیو کنترول دښاروالۍ مسئولیت و خو اوس ددې ګرانۍ په ځواب کې دکابل ښاروال ویلي دي چې دا صلاحیت ورڅخه اخستل شوی دی او دسوداګرۍ وزارت کولاي شي چې دخوراکي لومړیو داړتیاوړ توکو بېې کنترول کړ ي او هم دګرانۍ مسئولیت دهغوۍ پرغاړه دی.
دخوراکي توکو او دیته ورته د نوروجنسونو دګرانۍ مسئولیت دولتي چارواکي یو پربل وراړوي هرچا مسئولیت چې وي د واړه د دولت ادارې دي ددې هیڅ ډول توجیه نه شي کیدای دولت مکلف دی چې د ولس د سر اومال ساتنه وکړي او هم ېې دژوند د تیرولو هرډول اړتیاوي پوره کړي داچې مسئولیتونه یو پر بل وراچوي دا د د دولت دچارواکو بې کفایتی ده.
دسوداګرۍ وزارت په هیوادکې د خوراکي لومړیو توکو دګرانۍ لا مل د ډالرو په مقابل کې دافغانیو د ارزښت کموالی او هم دپاکستان لخوا د تورخم دلارې بندوالي ښودلی دی چې د روژ ې په مبارکه میاشت کې دګرانۍ سبب وګرځیده.
داچې ترڅه وخته پورې به د ډالرو په مقابل کې دافغانۍ ارزښت کموالی دوام ولري او هم به دتورخم لاره تړلې وي څرګنده نه ده دتورخم لارخو دروژې په میاشت کې وتړل شوه اما د ډالرو په مقابل کې دافغانۍ ارزښت او په هېوادکې بې روزګاري دمخه را روانه ده چې ولس د ناامنیو او بې روزګارۍ له امله دخواراکي توکو که ارزانه هم شی داخستلو توان ېې نه لری ځکه چې دبې روزګارۍ په صورت کې دچاپه وس او توان دخوارکي توکو رانیول پوره نه وي.
په نړیواله کچه په اسلامي هېوادونوکې چې د روژې مبارکه میاشت را بره شي دولت د لومړیو خوراکي توکو په بیو کې دکموالي اعلان وکړی خو په افسوس سره زموږ دولت چې دپردیو دډالرو خیرات ته ناست دی دروژې په میاشت کې دخوراکي توکو دبیو دکموالي صلاحیت نه لري او نه په موجوده اداره کې د همدردۍ کوم څرک لیدل کیږي چې دغریب او بې وسه ولس سره ېې ښکاره کړي.
دروژ ې په مبارکه میاشت کې سوداګروي او که دهېواد شتمن دغریت روژه دار ولس سره دهمدردۍ لپاره دهغوۍ سره مالي مرستې کوي ځکه داد عبادت لپاره ترنورو ټولو میاشتو غوره میاشت ده په دې میاشت کې د دولت او ولس دشتمنو خلکو فرض دي چې دخپل بې وسه ولس او په تیره دهغه خلکو سره چې دبې کارۍ له امله په دې سخته او دګرمۍ په میاشت کې دخوراکي توکو درانیولو توان نلري .
