ډاکټر آصف
له هغې ورځې نه چې په افغانستان کې د امریکایی ښکیلاکګرو د شومو اهدافو په سلسله کې د افغانستان لږکي توکمونه پر قاطع اکثریت باندې حاکم وګرځول شول، نو د لږکیو عقل او شعور نور هم د منطق له پولو پریوت، او داسې فکر یې وکړ چې ګوندې همدا یې وخت دی چې څه وغواړي تر لاسه کولی یې شي او په راتلونکې کې به بیا د داسې زرین چانس ترلاسه کولو خوب هم ونه ویني، نو ځکه یې د افغانستان د خاورې د ارضی تمامیت، ملی فرهنګ او عنعناتو پر سر لوبې پیل کړې او هم یې د دغې شهید روزونکې خاورې او مجاهدو او مبارزو خلکو پر وړاندې د خپلو بې دینه او نویو بادارانو تر څنګه پر هیواد غیر انساني تاړاک را ټیټ کړ او په دې لار کې یې له هیڅ راز ذلت او رسوایۍ څخه لاس وانخست.
څو لسیزې وړاندې د قاطع اکثریت پر وړاندې د هزاره لږکیو شنیع اعمال له هیچا څخه پټ نه دي، خو دا وروستی قدم یې تر ټولو هغه سپک او ذلیل اقدام و چې د تل لپاره به د دوی د تاریخ په تورو پاڼو کې ثبت شي او پر تندي به یې تور داغ وي.
د جنبش روشنایی تر نامه لاندې یې خپل شوم اهداف او ذلیلانه خیرن فکرونه رسوا او روښانه شول، ملت وپیژندل چې دا هغه شریر انسانان دي چې تل د نورو ډول ته نڅیږي او په دې لار کې هیڅ ډول پوله نه پیژنی، نه ملی، نه اسلامي، نه فرهنګی او نه انساني.
ټول ملت پدې وپوهیدو چې د دغه شرمیدلی جنبش حرکت د ایرانی ذلیلو اخوندانو لخوا پلان شوی، او د هغوی په اشاره او پانګې اچونې په قوت پیل شو، او دا د جنبش رسوایی لومړی له شرمه ډک عمل هم نه دی ، بلکې لدې وړاندې په مسلسل ډول همدغه شرمیدلی جنبش د ایراني بې دینه حاکمانو لخوا د افغانستان د خاورې، خلکو او ملت په وړاندې استعمال شوی دی او لا هم استعمالیږي.
دا همغه جنبش دی چې یو مهال یې د همدغه ایراني بادرانو په اشارو د ملت د مظلومو وګړو په سرونو میخونه ټک وهل، د ملت د میندو سینې یې پرې کولې او په ډیره وحشیانه توګه یې د دغې خاورې اصیل بچیان د رقص مرده په نوم په ډیره بې رحمانه توګه وژل.
دا همغه شرمیدلی جنبش دی چې پرون د ایراني بادارانو او نن د ایراني+امریکایی بادار تر سیوري لاندې یو ځل بیا د ایراني او صلیبي وحشي صفته حاکمانو په اشارو یو ځل بیا د مدني خوځښتونو تر سیورې لاندې خپلو وحشي کړنو او شومو اعمالو ته دوام ورکوي، خو دا ځل د جنبش روشنایی تر نامه لاندې کوټ شول او په جنبش رسواسۍ بدل شو.
دوی په خوله خوله د دې ادعا هم وکړه چې په دې وروستي له شرمه ډکه لاریون کې د دوې په اصطلاح د دوې زبده کدرونو هم ګډون درلود، لکه لیسانه، ماسټر، او آن داکترانو، چې پکې ووژل شول، په دې معنی چې سره له علمه او پوهې یې داسې له منطق نه لرې حرکت وکړ، چې هم یې خپل قوم له رسواسۍ سره مخ کړ، هم یې ځانونه له لاسه ورکړل او هم یې د افغانستان خلک له تشویش سره مخ کړل. او هم یې په نړیواله سطحه د افغانستان نوم بد کړ. ځکه چې ولسمشر دوی ته د برق ورکولو وعده هم ورکړې وه او خپلو مشرانو یې ورته د لاریونونو د نه کولو هدایت هم کړی و. خو دوی یواځې د خپلو ایراني بادارانو حکم ځکه عملي کوي چې د هغوی لخوا ورته نغدې پیسې ورکول کیږي، او خپل مشران خو یې پخپله کچکول ګرځوي.
یادونه په کابل ټکی کام کې خپرې شوې لیکني اوشعرونه د لیکوال خپل نظردی دکابل ټکی کام د نظریو والی ورسره شرط نه دی تاسوهم کولایسئ موږته خپلي لیکني اوشعرونه په دې ادرس راولیږئ kabullnews@gmail.com
