جهاد مل
مات دي شي ځنځیر او هتکړې د وخت
هم دغه منـــحوسي محـــکمې د وخت
چاچي دار او ستا نوم یو ځای کړی دی
ورکې دې شي ها غـربي څېرې د وخت
ها چې د غربي ښــــامار په خُلــه کیږي
ورکې دې شـــي هغه فیـــصلې د وخت
تــــل چـــې په ډالرو پلــورل شــوي دي
اوس ځپې مؤمنــــــې عقیدې د وخت
دلته دي جانانه مخالف دي مخالف خلک
ځکه دې خـــــلاف شــوې ارادې د وخت
اې د وخــــت مــــغرورو بیـــا به و ګورو
ورځ ته به تبــــدیلي شي تیارې د وخت
بیـا به درنه خــــــپل بـــــدل ضرور اخلم
ختـمې به شي ستړې شب ګیرې د وخت
ځم به جهــــــــادمل هم په دې لار باندي
ورکې دي شـــي جــــوړې یارانې د وخت
