عزیر اسدخیل
د مسجد امام خواته ورغی، په وړه معصومانه ژبه یې ورته داسې ویل:
مور مې راواستولم چې دلته سبق ووایم!!
امام په حیرانتیا سره وروکتل، چې د نامسلمانه ځوی څرنګه دلته سبق وايي!!
امام ورته وویل: مور دې چیرته ده!
ماشوم ورته ویل چې مسجد څخه دباندې ولاړه ده، جومات ته نه راځي ځکه نامسلمانه ده!!
امام ورغی او د ماشوم له مور څخه یې د موضوع په اړه وپوښتل:
د ماشوم مور ورته ویل: زمونږ د کاونډي کوچنیان دلته سبق وايي، کور ته په راتلو سره د مور لاسونه ښکلوي، ډیر احترام ورته لري، ډیر نیکمرغه کورنۍ ده دوی له ژوند نه ډیر خوند اخلي!!
په ژړغونکي لهجه یې ورزیاته کړه: په دې سیمه کې مې هیڅ مسلمان ندی لیدلی چې خپل زاړه مور او پلار یې د زړو کور یا (Old house) ته لیږلي وي، دوی تر مرګه پورې د خپلو والدینو احترام کوي.
نو زه غواړم چې زما کوچنی له تاسو سره سبق ووایې، کیدای شي له ما سره داسې چلند وکړي لکه ستاسې اولادونه چې یې له تاسو سره کوي.
