د یوه کال راپه دې خوا چې د اجرائیه رئیس ډاکټرعبدالله او ولسمشر محمد اشرف غني ترمنځ کوم اختلافات روان دي دنورولاملونوترڅنګ ېې د ډاکټر عبدالله دټولواکتوب مسئله ده چې ډاکټرعبدالله غواړي د موجوده پوست څخه لوړ او ټولواکي ترلاسه کړي.
د پارلمان یوشمیر غړي ، په هیوادکې میشت او له هیواده بهرافغان سیاستوال او هم پخواني رئیس جمهور حامدکرزي په وار وار ویلي چې د ملي یووالي د حکومت دجوړیدا لومړۍ پریکړه چې دوه کاله وروسته به لویه جرګه راغوښتل کیږي باید هغه عملي کړل شي.
ډاکټرعبدالله هم د خپلو پلویانو په ډاډ دواکمنۍ او د خپل غوړبرخلیک نیټې ته انتظارباسي او په مطبوعاتي غونډوکې پراشرف غني ډول ډول نیوکې کوي.
د یوې اونۍ راپدېخوا دهیواد اوهم بهرني مطبوعات د حکومت او ګلبدین حکمتیار ترمنځ د سولې په نامه د خبرو څارکوي ځیني رسنۍ خوښي څرګنده وي او ځنې ېې دحکمتیارد ژوند اوکړنوشالیدته په کتوسره پایلې ښې نه بولي.
یوشمیرد انډپنډین په څیربهرنۍ رسنۍ په حکومت کې د حکمتیار شمولیت د حکومت زوال بولي او په ځانګړې توګه د ډاکټر عبدالله چې د راتلونکي برخلیک په تمه د تش په نامه د سولې شوراته د حکمتیار او حکومت د سولې دهوکړه لیک په اړه وویل هیڅ ملاحظه نه لرم شاید دا دریم ائتلاف چې حکومت او ځنیورسنیو ورته دسولې نوم ورکړ خپله ډاکټر عبدالله ته به په زوال تمام شي.
د تیرو اوو میاشتو راپدېخوا ډاکټر عبدالله د خپل برخلیک په اړه اندیښمن دی چې څرنګه ځان خپل هدف ته ورسوي او که له زواله ېې وساتی؟ تیره اونې ترک توکمو دعبدالله سره د وعدو په نه پوره کولو او د حکمتیارپه اړه د ملاحظې نه لرلو له امله د خپل ملاتړڅخه لاس واخیست.
داچې ډاکټر عبدالله په مطبوعاتي غونډوکې وایی اجرائیه ریاست ماته په تحفه کې نه دی راکړل شوی افغان ولس رایه راکړي داسې ښکاري چې دحکمتیارصاحب په اړه په ملاحظه نه لرلو دشمالي ټلوالي نږدې ملګري او ملاتړي ترې هم دترک توکموپه څیرخپل جدا والی اعلان کړي.
لکه څرنګه چې استاد سیاف د مجاهدینود اتحاد په نامه ځان ته خپل اتحاد اسلامی اعلان کړ دارنګه د حکومت او ګلبدین حکمتیارترمنځ سوله نه ، دا درېم ائتلاف دی چې دڅه وخت په تیریدو سره به سر راپورته کړي او همدا ډاکټر عبدالله به له اشرف غنی د مخه په خپلو کړنو پښیمانه وي .
دکمونستي کودتا او روسانو د یرغل را وروسته حکمتیارصاحب د شهنواز تڼي،احمد شاه مسعود، دګلم جم ملیشو قوماندان عبدالرشید دوستم،برهان الدین رباني او دموجوده ګډ حکومت سره دسولې په نامه ائتلاف وکړ.
حکومت پدې اراده چې دحکمیار سره سوله (ائتلاف) وکړي ستونزې به ېې حل کړل شي حکومت او په ځانکړې توګه ډاکټر عبدالله دې له دی ائتلافه دنورو ستونزو او اجرائیه ریاست څخه د ګوښه کیدو انتظار وباسي.
حکومت افغان ولس ته دوکه ورکوي چې د ګلبدین سره مو سوله وکړه او دا د سولې د شورا یوه ستره لاس ته راوړنه ده حال داچې ګلبدین حکمتیار په خپل ژوند کې د چاسره سوله نه ده کړې ائتلافونه ېې کړي دي او دچاسره ېې چې ائتلاف کړی دی هغه د زوال سره مخ شوی دی ځکه خو وایو چې حکومت سره د سولې په نامه د اشرف غنی او شمالي ټلوالې دائتلاف وروسته دګلبد ین حکمتیارسره دریم ائتلاف به عبدالله واکمن او که له ریاسته هم ګوښه کړي؟
