لیکنه؛ رحمت الله همراز
تېره شپه د امریکا هوايي ځواکونو د اچین ولسوالۍ په شډل بازار کې په یو کور د ډرون الوتکې بریدونه وکړل چې په ۱۸ عام وګړي شهیدان او ۱۳ نور ټپيان شول
ویل کیږي چې برید د عامه روغتیا ریاست د کارکوونکي په کور شوی چې تازه دم له حج څخه راستون شوی و او په کور کې یې ګڼ شمیر میلمانه لرل، چې خارجي عسکرو یې خوشحالي په غم بدله کړه.
مطبوعاتو هم تائيد کړه، چې برید کې عام وګړي شهیدان شوي دي؛ خو ولې تر اوسه ګد حکومت یې په اړه چوپه خوله دی او ددې لویې غمیزې په اړه د حکومت یو چارواکی هم خوله نه بیرته کوي.
په رښتیا چې د امریکايي او ناټو ځواکونو په شتون کې ګډوله حکومت هیڅ واک او اختیار نلري او حتی د عامه وژنو په اړه ترې یو نظر هم نشي پوښتلی.
ملت ته لا ډيره روښانه شوه، چې هیواد مو پردی شوی او پر ګدۍ کینول شوي چارواکي د امریکا په لاس لکه نانځکې لوبول کیږي او د خپلو شخصي او ګوندي ګټو په فکر کې یې سره په جنګ اچولي دي.
نو په دې هېواد کې بیا مونږ کله هم د خپلواکۍ دعوه نشو کولی، چې واک او اختیار د بل په لاس کې وي، مشورې او فرمانونه د بل په لاس کې وي، نظامي او ملکي چارې د بل له اشارې پرته هیڅوک هم نشي تر سره کولی او که په چارواکو هم لاس بر کوي څوک یې په اړه سوڼ هم نشي کولی.
مونږ په حکومتي چارواکو غږ کوو چې د اچین ولسوالۍ د قتل عام عاملین دې محاکمه کړي او له دوی سره دې د قانون تر حکم لاندې معامله وکړي.
اشرف غني چې خورا پست فطرت، د سست او غلام طبیعت خاوند دی لا یې امریکايي بدماشانو ته د هوايي عملیاتو د پراخولو اجازه ورکړه او په دې سره یې د افغانستان د مسلمان ملت سره خپله کلکه دښمني ښکاره کړله.
بلخوا د ملل متحد د حقوق بشر دعوه داران هم تر پوښتنې لاندې راځي چې ولې د امریکايي عامه او ډله اییزو وژنو په اړه یوه خبره هم نه کوي، د ملکي وګړو وژنه چې اوس په ښکاره توګه معلومه شوه د امریکا لخوا ترسره کیږي حقوق بشر ته هم واک نشته چې د امریکايي بدماشانو په خلاف څه ووايي.
همدارنګه د ښځو د حقوقو علمبرداران هم نه وايي چې په دې برید کې د کور مظلومې او بې ګناه میرمنې هم په شهادت ورسیدې، دوی نه وايي چې د ښځو حقوق تر پښو لاندې شول، نو ایا که دا کار طالبانو کړای وای نو دې پيښې ته به يې څومره ډنډورې غږولای؟
نو معلومه ده چې صلیبي نړۍ په دې هيواد او همدارنګه په ټولو اسلامي هیوادونو کې د مسلمان وژنې پروسه پيل کړې ده او تش په نوم مسلمانان او بې دینه کړۍ هم په دې قتل عام کې له ځانه سره شریک کړي دي.
زه خو وایم چې دا څو د ګوتو په شمېر طالبان دې خدای جل جلاله ورته ژوندي لري چې په دوی یې هم رڼا ورځ توره شپه ګرځولي وي، که دا نه وای بیا به مو څه حال و؟
د هېواد حکومتي چارواکو ! تاسو دا حالت په خپلو ځانونو اټکل کړۍ، تاسو نن ولې چوپه خوله یۍ، مدني فعالانو! ستاسو په اند دا یوه غمیزه وه او که نه وه؟
د ښځو د حقوقو مدعیانو! راشۍ وګورۍ امریکايي چپاولګرو په اچین کې په لسګونو ښځې او ماشومان په فاسفورس بمونو وسوځول، نو تاسو د ښځو کوم ډول حقوق غواړۍ؟
د پښتنو مشرانو! تاسو ولې چوپه خوله یۍ، که تاجک یا ازبک وژل شوی وای چیغو به یې کابل لړزولو؛ خو نن د پښتنو په کور ماتم دی، راشئ د ډرون په وحشي بمباریو مړه پښتانه مو وګورئ! لږ تر لږه د یو لاریون حق هم نه لرۍ؟
که تاسو ټول چوپه خوله یۍ نو بیا ګیله مه کوۍ او ځانونو ته شهیدان مه وایاست! مونږ ټول به مو جنازې هم ونه وینو او ستاسو د هرې لارې څارنه به وکړو تر څو مو د وروستۍ ریښتنې محکمې حکم ته وسپارو.
د اچین مظلومو شهیدانو ته دې خدای جل جلاله جنت الفردوس نصیب کړي او پاتې وارثانو ته یې د صبر جمیل غوښتونکی یم؛ هو مظلوم حاجي صاحبه! مونږ تاته ډير ټيټ سترګي یو چې عاملین مو تر محکمې نشو راکش کولای، مونږ ستا شهیدانو ته نشو کتلای، تاسو مظلومان یاست، ستاسو ارمانونه د وخت فرغون په اور وسوځول، مونږ ستاسو د غچ په اړه هرې فربانۍ ته تیار شو، مونږ پوه شو چې د هیواد ټولو چارواکو ستا په غمیزې هیڅ پروا ونکړه، مونږ به هم دوی ته په هر ډول سزا ورکولو کې سستي نه کوو.
یادونه: په کابل ټکي کام کې نشر شوې لیکنې د لیکوال خپل نظر څرګندوي د ادارې توافق ورسره شرط نه دی، تاسو هم کولای شۍ چې خپلې لیکنې، نظرونه او ادبي پنځونې مو په لاندې ادرس مونږ ته راولیږۍ.
kabullnews@gmail.com
