لیکنه : اروا پوه سادات
هر وخت چې انسان دځوانې په عمر کې وي احساساتي جذباتو څخه ډک وي، چې کله د ځوانې عمرته ماشوم ورسيږي دهغه پرعقل دليونتوب پرده خوره شي. دبدن هر غړی يې ډير قوي وي ، وینه يې توده وي حوصله او د زړه زور يې ډېروي .
ځوان په مستي کې وي لومړيو ورځو کې له خپلې نشې خوند اخلي، خو چې پرې روږدی شي، نو بيا يې په خوند نه پوهيږي او د وجود پر دردونو مبتلا شي.
نو دعمر په دغه مرحله کې باید پلار په خپل بچي ډیری پاملرنه ولري له خپل ځان يې لرې نه کړي، تعلیم ته یی کینوي.
په مصارفو کی د په ځان تلکیف راولې خو خپل بچې دی دپیسو ګټلو لپاره نورو هېوادوته دمزدورې لپاره نه لیږي، ځکه زمونږ د هیواد اکثر ځوانان په بهرنی ملکونو کی په نشه یي توکو روږدیږی.
دبیلګې په ډول چې له ایرانه کوم کډوال راستانه شوي دي یا مزدوري لپاره ځوانان تللي دي بیا چې راغلې نو په پوډرو اپینو او نور نشه یی توکو اخته شوي وي.
دکابل سیند د دغو پوډریانو خونه ګرځيدلې ده .
پوښتنه دا پیداکیږي ؟ چې دوی پوډر له کومه کوي ؟ او پیسي له کومه کوي ؟
خامخا به دوی غلاګاني کوي ځکه دوی خو مزدوري نشي کولی، که مزدوري کوي نو څوک پرې باور نه لري ځکه مشکلات ترې ویني .
دکابل خلک ددوی دلاسه ډېرو ستونزو سره مخ شوی دي؛ دخلکو له کورونوڅخه غلا ګانې کوي ، په لارو کې ولاړ وي چاقوان وسره وي خلک په چاقوانو وهي په هر بدرنګي له خلکو څخه پیسې آخلي او آن تردی چې له موټرو څخه ګنډې راښکته کوې ، کوچنیان ښونځیوته په تلو کی هم ددوی له لاسه ستونزی لري.
دکابل حکومت صرف په خوله وايي چې نشه يې توکو پلورل جرم دی په عمل کې دپیسو په خاطر د نیشه يې توکوپلورونکو سره مرسته کوي ، چرس ، تاریاک شراب او پوډر په برملا توګه پلورل کیږي .
اوس په کابل ښار کې یواځي نارینه ځوانان په نشه يي توکو باندې ندې اخته شوي بلکې ښځینه هم په نشه يي توکو روږدي شوې دي .
