طارق خوګیاڼی
له مفهوم اومـعـنا ډک دی هريو توری
د عـلومو سـتر مــدرک دی هريو توری
سـپينـو وړانګو یې دنیا رڼا رڼا کړه
په افـق خــتلی څرک دی هر يو توری
انسُ و جِن یې چې له مثل نه عاجزدی
ډير وســیع لکه فلــک دی هريو توری
له هر وخت اوهر زمان سره سمون خوري
په هــدف لـکه جَوَک دی هر يو توری
انسـانانو کې حامل یې عزتمند وي
سپين پړقيږي زرورک دی هر يوتوری
مؤمنـانوته رحـمت، عــزت، وقـار دی
دباطل زړګي ته شړک دی هريو توری
له تغير، تبديل، تحويل څخه محفوظ دی
بس په هـره معـنا کلک دی هريو توری
زه طـارق ورپـسـې ډیره مــوده ګرځم
سیپارو کې رانه ورک دی هريو توری
