کابل ټکی کام ۳لېندۍ/۱۳۹۵، احمدالله مهاجر
ناسا اقلیم څېړونکې ادارې خبر ورکړی دی، چې د امریکا او کاناډا جیوفزیک پوهانو په مریخ کې د کنګل شویو اوبو لاندې پټ یو ستر سمندر موندلی دی.
دغې ادارې ویلي دي، چې د اوبو دغه کنګل د مریخ په لویدیځه برخه کې د استواء کرښې او د شمالي قطب ترمنځ موقیعت لري.
د اوبو دغه کنګل (۵۰-۸۰) سلنه له اوبو، شګو او ګازونو څخه جوړ شوی دی او په ۱-۱۰ متره ژوروالي کې موقعیت لري.
ناسا څېړنیزې ادارې دغه خبر د (Geophysical Research Letters) مجلې په حواله خپور کړی دی.
دغې ادارې د دغې مجلې د خبر له مخې ویلي دي، چې پوهانو دغه سطحه په (MRO Mars Reconnaissance Orbiter) سپوږمکۍ کې د (SHARAD Shallow Radar) نومې رادار په مټ موندلې ده.
ناسا څېړنیزې ادارې زیاته کړې ده، چې د اوبو دغه کنګل له ۸۰ څخه تر ۱۷۰ مترو پورې ډبلوالی او ۳.۱۴۳ زره کیلو متره مکعب حجم لري
