لیک : حمزه عابد
څو ورځې وړاندې په هرات کې یوه الوتکه رانسکوره شوه چې د لویدیځ لپاره د 207 ظفر قول اردو قومندان محی الدین په کې ووژل شو خو حکومت د الوتکې نسکوریدا،د غلام محی الدین مړینه دومره جدي ونه ګڼله لکه نورې ډیرې وړې پیښې چې دوی په څومره لوړه کچه جدي نیسي او په وړاندې یې اقدامات تر سره کوي دا ټول هغه څه دي چې د خلګو اندیښنې یې راپارولې دي.
تیره ورځ د طلوع تلویزون له لوري یوه ویډیو خپره شوه چې د یادې الوتکې د نسکوریدا صحنه په کې عکاسي شوې ده په ویډیو کې الوتکه داسې ښکاري لکه خپله چې را غوزیدلې وي.
خو ګورئ!!!ځیني ځیني کارونه داسې کیږي چې هغه ته د هر چا فکر سمدلاسه نه ور رسیږي او د انسان له فکره خلاف وشي الوتکه په هوا کې ډیره حساسه وي په هوا کې له ډیر کمزوري او کوچني شي څخه بد وړي پرته له غټې مرمۍ څخه چې پرې ولګیږي د نورو مرمیو او یا داسې نور شیانو چې الوتکه ورسره حساسیت لري په لګیدلو زر نه رانسکوریږي وروسته له لګیدلو هم تر ډیر بریده په هوا کې حرکت کولی شي
مهمه موضوع داده چې یاده الوتکه د یو چا له لوري ویشتل شوې ده په دې کې کوم شک نه لیدل کیږي البتة یا به د ثقیل په مرمۍ لګیدلې وي یا به د دهشکې په مرمۍ چې له همدې امله هم زر نه ده رانسکوره شوې خو د الوتکې حالت له لرې ځای څخه نا سم ښکاري.
بل مهم ټکی دا دی چې الوتکه څنګه داسې ځای ناسته وکړي چې هلته هیڅ داسې د پام وړ شی نه ښکاري یا په داسې یو ځای کې دې ناسته وکړي چې هغه دې د حکومتي چارواکو لپاره اړتیا نه لیدل کیږي،څنګه د یو داسې حالت ویډیو په داسې یو له توقع خلاف ځای کې وشي سوال پیدا کیږي
او که څوک وایي چې سره برابره شوه داسې یو تصادف خو ما تر اوسه نه ده لیدلی
که ویډیو ښه په ځیر وکتل شي په ویډیو کې ښکاري چې عسکر په یو داسې حالت کې ولاړ دي لکه د یوې پیښې انتظار چې کوي او دوی ته خبر ورکړل شوی وي چې داسې یوه پیښه رامنځته کیدونکي ده چې هغه خبر ریښتیا هم وشو او پیښه رامنځته شوه دا خبرداری نو دوی ته ځکه ورکړل شوی چې پاس په هوا کې د الوتکې له لوري ورته ویل شوي چې الوتکه د نسکوریدا احتمال لري
نو فلهذا دا یو ترتیب شوی پلان وو چې د اشرف غني او عبدالله عبد الله په ګډ حکومت کی د لوړ پورو حکومتي چارواکو د ژور اختلاف او د بې اعتمادۍ له امله ډیرې داسې پیښې رامنځته شوي دي لکه په دې ورستیو کې چې په ننګرهار کې د زړور زاهد په نامه یو لوړ پوری چارواکی د داسې یوې پیښې ښکار شو
