لیکنه : موسی فرهاد
د امریکا په مشرۍ د شمالي اتلانتیک ټلوالي (ناټو) د اشغال په وړاندي د طالب مجاهدینو جهادي مقاومت ورځ تر بلي زور اخلي ، د نورو کلونو په پرتله روان میلادي کال 2016م کې طالب ځواکونو بیساري پرمختګونه وکړل ، د هیواد په ډېرو برخو کې مخصوصاً په شمالي او جنوب لویدیځو ولایاتو کې یې د ولسوالیو د سقوط ترڅنګ ځیني ولایتونه هم یا خو تر خپلي ولکې لاندي راوستل او یا هم سقوط ته نژدې کړي او د نه ماتیدونکي محاصرې کړۍ یې ورباندي تنګه کړي ده .
د فتوحاتو د دې رواني لړۍ په ترځ کې یې د هیواد د 350 ولسواليو له جملې نه تقریباً 50 ولسوالۍ په کامل ډول د کابل د بلواک سیټ آپ د اربکي ملیشو له وجود نه تصفیه کړيدي . او زمیني حقایقو ته په کتو، شنونکي وایی چې همدا سلسله به په را روان وخت کې تر دې هم په خورا چټکۍ او بریالیتوب سره جریان ولري .
خو له بلي خوا ، ځبنی هغه رسنیو چې د تمویل منابع یې په مستقیم او یا غیر مستقیم ډول د اشغالګرو په واک کې قرار لري ؛ د غربي میډیا په تقلید شپه او ورځ یوه کړي ، هڅه او کوشش یې دا وي چې په طالبانو پسي ناوړه تبلیغات وکړي او په وړاندي یې کورنۍ او بهرنۍ ستونزي را وپاروي . د مجاهدینو په مقابل کې د خلکو احساسات په ناسم ډول تحریک کړي . بیلګې یې بې شمیره دي .
خو یوه یې دا ده چې ګویا طالبان د ګاونډیو هیوادونو خصوصاً د منځنۍ آسیا لپاره د خطر زنګ دی ، متاسفانه د دښمن دا ډول تبلیغات څه نوي خبره نه ده ، بلکي د اسلامي امارت د واکمنۍ پر مهال هم دا ډول منفي پروپیګنډه کیدله چې ترڅه حده پوري یې د ګاونډیانو اذهان هم ګډوډ کړي وو ، او له هغوی سره تشویش وو چې له طالبانو یی خطره محسوسوله .
خو اسلامي امارت له ابتداء نه تراوسه په وار وار خپل موقف واضح کړی چې زموږ فتحوحات او زموږ مبارزه د هیڅ ګاونډي پرخلاف نه وه او نه ده ، موږ تنها پخپل هیواد کې د یو خپلواک اسلامي حاکمیت لپاره ، د خپلو خلکو د سوکالۍ او آرامۍ په منظور قربانۍ ورکوو ، او دا مو عملاً ثابته کړي چې د هیڅ چا په کورنیو امورو کې مو د مداخلي او لاس وهني هڅه نه ده کړي . او نه مو دا پالیسي ده .
خوشبختانه چې د طالبانو له دغه ثابت ، عملي موقف نه اوس نړیوال ، په ځانګړي توګه ، د افغانستان ګاونډیان تر ډېره حده مطمئن ښکاري ، که څه هم چې دا ادارک یې ډېر ناوخته کړی ، خو بیا هم دیر آید درست آید .
دا ځکه چې اکثرو نړیوالو هیوادونو او خصوصاً ګاونډیانو ته اوس دا هم معلومه شوي چې اسلامي امارت هیڅکله پر منفي سیاست باور نلري . څه چې په خوله وایی ؛ هغه په عمل کې هم په اثبات رسوي. هیڅکله دوه مخی او د دروغو سیاست نه کوي .
په دې اړه د اسلامي امارت رسمي دریځ هم په وار وار دا حقیقت واضح کړی او په دې اړه یې د وروستۍ رسمي اعلامیې ټکي داسي دي :
(( له ګاونډیو او نورو هیوادونو سره د افغانستان د اسلامي امارت پالیسي په « لاضرر ولا ضرار» بنسټیز اصل ولاړه ده چی په کراتو د اسلامي امارت په بیانیو او پیغامونو کی څرګنده شوی ده.
د همدې پالیسۍ له مخې، اسلامی امارت غواړي د مرکزي آسیا د هیوادونو په شمول ټولو ګاونډیو هیوادونو ته ډاډ ورکړي چې د دښمن د تبلیغاتو پر خلاف اسلامي امارت د هغوی په کورنیو چارو کې د لاسوهنې تګلاره نلري او نه به چاته اجازه ورکړي چې د اسلامي امارت تر واک لاندې سیمې د ګاونډیانو په خلاف وکاروي، بلکی غواړي د تفاهم په فضا کې له ټولو سره ګډ ژوند ولرو. ))
نو دا واضحه خبره ده چې د لویدیځو استعماري هیوادونو شیطاني هڅي وي چې د طالبانو په وړاندي د خلکو اذهان ګډوډ کړي او له پرمختګ نه یې ګاونډیان او نور هیوادونه د رسنیز پروپاګند له لاري په داسی شکل وویروي چې ګویا په افغانستان کې د طالبانو نظامي او سیاسي پرمختګ به د ګاونډیانو ګټي متضرري کړي ، نه باید چې له دوی سره د تفاهم لاره غوره کړای شي ، بلکي له امریکایی اشغالګرو سره دې په اشغال کې مرسته وشي ترڅو د طالبانو له لوري د متوقع ، متوجه خطر مخه ونیوله شي .
اما حقیقت د دوی د شیطاني هڅو بلکل برعکس دی. چې په پورته پراګرافونو کې ورته واضحه اشاره وشوه .
نو د لویدیځو رسنیو سیستماتیک تبلیغات باید د افغانستان د اسلامي امارت او ګاونډیانو پر راتلونکو اړیکو منفی اغیز ونلري ،او نه دي څوک تشویش محسوسوي. که بیا هم په دې اړه څوک تشویش ولري نو اسلامي امارت د سیاسي نمایندګۍ په توسط تیار دی چې له ټولو ګاونډیانو بلکي له هر هغه چا سره چې د اسلامي امارت په اړه اندیښنې ورسره وي ؛ کولای شي ورته ډاډ ورکړي .
نو له پورتنیو خبرو نه دا واضحه شوه چې د طالبانو له پرمختګ نه ویره یوازي غربي اشغالګر هیوادونه چې په رأس کې یې أمریکا ده ؛ لري او هغوی غواړي چې نور نړیوال او د افغانستان ګاونډیان د منفی تبلیغاتو له لاري وویروي . دا ځکه چې دوی پر افغانستان تجاوز کړی ، په یوه ناحقه قضیه کې یې له افغانستان سره د ستري تاریخي دښمنۍ ارتکاب کړی ، دوی اوس نشي کولای چې هغه تیروتنه جبران کړي او نه یې نور دا توان شته چې افغانستان په زور تر ستوني تیر کړي . نو اوس مجبور دي چې د خپلو تمویل شده کورنیو او بهرنیو سانسورو رسنیزو تبلیغاتو په توسط د افغانستان د اسلامي امارت د پرمختګونو مخه په دې ډول ناوړه منفی تبلیغاتو ونیسي .
چې دا کار یې هم له ناکامۍ سره هغه مهال مخ شوی چې اسلامي امارت ګاونډیانو او نورو نړیوالو ته د ضرر نه رسولو ډاډ ورکړ او په دې اړه یې د هغوی سیاسي اعتماد هم تر ډېره حده خپل کړی چې نښي نښانې یې په دې وروستیو وختونو کې په واضح ډول څرګندي شوي دي .
پای …………………….!!
موسی فرهاد
2016 / دسمبر / 6
